Elimizdegi eń tómengi kúnkóris deńgeıi 55 731 teńgege deıin ósti. Bul týraly Ulttyq statıstıka bıýrosy aıtty, dep habarlaıdy «Adyrna» tilshisi.
Tamyz aıynda eń tómengi kúnkóris deńgeıi boıynsha kóshbasshylar úshtigine Mańǵystaý oblysy (68 687 tg), Almaty (60 595 tg) jáne Astana (59 851 tg) qalalary kirdi. Aýtsaıderler qatarynda Túrkistan (48 067 tg), Qyzylorda (49 566 tg) jáne Jambyl oblystary (51 453 tg) bar.
Jynystyq bóliniste er adamdardyń eń tómengi kúnkóris deńgeıi 65 250 teńgeni, al áıelderde – 51 768 teńgeni quraıdy. Sondaı-aq zeınetkerlerdiń kúnkóris deńgeıi shildede 48 389 teńgeden tamyzda 51 227-ge deıin ósken.
Aıta keteıik, respýblıkalyq bıýdjet 2025 jyldan bastap zeınetaqyny ulǵaıtýdy josparlap otyr. Bazalyq zeınetaqy tólemderi ulǵaıtylady jáne 2025 jyly eń tómengi bazalyq zeınetaqy 47 700 teńgeni quraıdy, al 2027 jylǵa qaraı 55 145 teńgege deıin ulǵaımaq.
