قازاقستاندا العاش رەت: ورالدا كەلىنشەك ەگىزدەردىڭ بىرەۋىن اراعا 2 اي سالىپ بوساندى

4113
Adyrna.kz Telegram

دارىگەرلەر مۇنداي جاعداي قازاقستاندا العاش رەت تىركەلىپ وتىر دەيدى

ورال قالاسىنداعى وبلىستىق پەريناتالدىق ورتالىقتا ەرەكشە جاعداي بولدى. اناتوميالىق ەرەكشەلىگى - ەكى جاتىرى بار ايەل الدىمەن ءبىر بالانى، ال ەكى ايدان كەيىن ەكىنشىسىن دۇنيەگە اكەلدى، دەپ حابارلايدى uralskweek.kz وڭىرلىك سايتى.

ليليا كونوۆالوۆا ءبىرىنشى بالانى مامىر ايىندا تۋدى. شالا تۋعان قىزدىڭ سالماعى 850 گرامم بولعان. ونى بىردەن جانساقتاۋ بولىمىنە جاتقىزدى. دارىگەرلەر ءسابيدىڭ دەنساۋلىعىن ۇنەمى باقىلاپ وتىردى. ارنايى وڭالتۋ شارالارى ۇيىمداستىرىلعان.

"ال 9 تامىزدا كەسار تىلىگىن جاساۋ ارقىلى قىزدىڭ ءىنىسى دۇنيەگە كەلدى. ونىڭ سالماعى – 2 900 گرامم. قازىرگى كەزدە اناسى ەكى بالاسىمەن پەرزەنتحانادان شىعۋعا دايىندالىپ جاتىر", - دەيدى باس نەوناتولوگ نۇرگۇل ءجۇنىسوۆا.

ەگىزدەردىڭ اناسى شارشاڭقى كورىنسە دە، باقىتتى ەكەنىن جاسىرمادى. ونىڭ ايتۋىنشا، ەندى ۇيدەگى ۇلكەن قىزدىڭ ەكى باۋىرى بولادى.

"مەنىڭ تاعى ءبىر 7 جاسار قىزىم بار. ەكىنشى قىزدىڭ اتىن لەيا دەپ قويامىز. ال ۇلىمىز – ماكسيم. مەن اناتوميالىق ەرەكشەلىگىم تۋرالى بىلگەنمىن، بىراق وعان ەشقاشان ءمان بەرمەپپىن", - دەدى ليليا كونوۆالوۆا جۋرناليستەرگە بەرگەن سۇحباتىندا.

باسىلىمنىڭ حابارلاۋىنشا، سوڭعى 60 جىلدىڭ ىشىندە الەم بويىنشا مۇنداي جاعدايلاردىڭ سانى 70-تەن استى، ال قازاقستاندا العاش رەت بولىپ وتىر.

پەرزەنتحانا دارىگەرلەرى كەلىنشەكتىن اناتوميالىق ەرەكشەلىگى - ەكى جاتىرى بارىن بىلگەنىن ايتادى. سوندىقتان ەكىنشى بالاعا تولعاقتىڭ قاشان كەلەتىنىن كۇتتى.

ء"بىز كەلىنشەكتىڭ اناتوميالىق ەرەكشەلىگى تۋرالى بىردەن بىلدىك. سول سەبەپتى ەكىنشى بالانى دا وسى جەردە بوساندىرىپ الۋعا شەشىم قابىلداعان بولاتىنبىز. بىلۋىمشە، بۇل - العاشقى وقيعا. مەن الماتىداعى ارىپتەستەرىمنەن كەڭەس الدىم، بۇل ەلىمىزدە تىركەلگەن العاشقى جاعداي سياقتى", - دەدى پەرزەنتحانا ديرەكتورىنىڭ ورىنباسارى ەسەت ەرالين.

Sputnik

پىكىرلەر