سوڭعى ۋاقىتتا ەلىمىزدە الاياقتىق دەرەكتەرى كوپ تىركەلىپ جاتىر. الاياقتار ءىرى كومپانيالاردىڭ رەسمي سايتتارىنا ۇقسايتىن جالعان سايتتاردى قولدان جاساۋدى ادەتكە اينالدىردى. حالىقتىڭ كوپشىلىگى ءوز بانك كارتالارىنىڭ دەرەكتەرىن جانە SMS كودتاردى ەنگىزىپ جاتادى، بىراق ارتىنشا الاياقتار ول مالىمەتتەردى Apple Pay, Samsung Pay نەمەسە Google Pay-گە تىركەپ الادى. سودان كليەنتتىڭ كارتاسىنان ءتۇرلى تەرمينالدان اقشا شەشىلە باستايدى. وسىنداي جاعدايلاردىڭ كوبەيۋىنە بايلانىستى Halyk Bank وكىلدەرى الاياقتاردان قالاي قورعانۋ كەرەگى تۋرالى ايتۋدى ءجون كوردى.
بانك وكىلدەرى اقشاڭىز بەن دەرەكتەرىڭىزدى قورعاۋ ءۇشىن قاۋىپسىزدىك ەرەجەلەرىن ساقتاۋعا كەڭەس بەرەدى:
• بەلگىسىز سىلتەمەلەرگە وتپەڭىز جانە كارتا دەرەكتەمەلەرىن ول جەردە كورسەتپەڭىز.
• ارقاشان دەرەكتەرىڭىزدى قايدا ەنگىزگەنىڭىزدى تەكسەرىڭىز!
• ەشكىمگە، سونداي-اق، بانك قىزمەتكەرلەرىنە كارتانىڭ ءنومىرىن، ونىڭ جارامدىلىق مەرزىمىن (كارتانىڭ الدىڭعى جاعى) جانە ءۇش تاڭبالى CVV/CVC كودىن (كارتانىڭ ارتقى جاعى) ايتپاڭىز.
• كارتانىڭ ءنومىرىن، ونىڭ جارامدىلىق مەرزىمىن، ءۇش تاڭبالى CVV/CVC كودىن، سونداي-اق "ۇتىس ويىندارى" جانە "اقشا ءۇشىن ساۋالنامالار" جۇرگىزەتىن سايتتارداعى SMS-حابارلامالاردان كەلگەن كودتى ەنگىزبەڭىز.
• ەگەر ءسىز قانداي دا ءبىر تاۋاردى كۇتسەڭىز، اباي بولىڭىز! الاياقتار كليەنتتەردى الداۋ ءۇشىن جالعان جەتكىزۋ قىزمەتتەرىنىڭ ۆەب-سايتتارىن وڭاي جاساي الادى.
• ينتەرنەت وپەراتسيالار ءۇشىن قوسىمشا كارتانى پايدالانىڭىز. قاراجاتتىڭ شەكتەۋلى مولشەرىن ساقتاي الاتىن ساندىق كارتانى راسىمدەۋدى ۇسىنامىز. بۇل ونلاين ساتىپ الۋ كەزىندە تاۋەكەلدەردى ازايتۋعا جانە نەگىزگى جيناقتارىڭىزدى قورعاۋعا كومەكتەسەدى.
• Halyk قوسىمشاسى ارقىلى ينتەرنەت وپەراتسيالارعا تىيىم سالىڭىز. بۇل ءوز كەزەگىندە تاۋەكەلدەردى ازايتۋعا كومەكتەسەدى.
سونداي-اق، Halyk وكىلدەرى مۇنداي الاياقتىق ارەكەتتەر 190-باپ («الاياقتىق»), 195-باپ («الداۋ نەمەسە سەنىمگە قيانات جاساۋ ارقىلى مۇلىكتىك زيان كەلتىرۋ») جانە 247-باپ («زاڭسىز سىياقى الۋ») بويىنشا ءتيىستى جازالارمەن قىلمىستىق جاۋاپكەرشىلىككە تارتىلاتىنىن ەسكە سالادى.
Halyk ارقاشان الاياقتىقپەن كۇرەسۋدىڭ جولدارىن جۇزەگە اسىرا وتىرىپ، بارلىق قاجەتتى كۇشتەردى سالىپ جاتىر. قوسىمشا اقپارات الۋ ءۇشىن مىنا سىلتەمەگە وتۋگە بولادى - https://halykbank.kz/security. سونداي-اق، شوتىڭىزدا كۇدىكتى ارەكەت بايقالعان جاعدايدا 7111 ءنومىرى بويىنشا بانكتىڭ كولل-ورتالىعىنا حابارلاسۋىڭىزدى سۇرايمىز.
