Soŋǧy uaqytta elımızde alaiaqtyq derekterı köp tırkelıp jatyr. Alaiaqtar ırı kompaniialardyŋ resmi saittaryna ūqsaityn jalǧan saittardy qoldan jasaudy ädetke ainaldyrdy. Halyqtyŋ köpşılıgı öz bank kartalarynyŋ derekterın jäne SMS kodtardy engızıp jatady, bıraq artynşa alaiaqtar ol mälımetterdı Apple Pay, Samsung Pay nemese Google Pay-ge tırkep alady. Sodan klienttıŋ kartasynan türlı terminaldan aqşa şeşıle bastaidy. Osyndai jaǧdailardyŋ köbeiuıne bailanysty Halyk Bank ökılderı alaiaqtardan qalai qorǧanu keregı turaly aitudy jön kördı.
Bank ökılderı aqşaŋyz ben derekterıŋızdı qorǧau üşın qauıpsızdık erejelerın saqtauǧa keŋes beredı:
• Belgısız sıltemelerge ötpeŋız jäne karta derektemelerın ol jerde körsetpeŋız.
• Ärqaşan derekterıŋızdı qaida engızgenıŋızdı tekserıŋız!
• Eşkımge, sondai-aq, bank qyzmetkerlerıne kartanyŋ nömırın, onyŋ jaramdylyq merzımın (kartanyŋ aldyŋǧy jaǧy) jäne üş taŋbaly CVV/CVC kodyn (kartanyŋ artqy jaǧy) aitpaŋyz.
• Kartanyŋ nömırın, onyŋ jaramdylyq merzımın, üş taŋbaly CVV/CVC kodyn, sondai-aq "ūtys oiyndary" jäne "aqşa üşın saualnamalar" jürgızetın saittardaǧy SMS-habarlamalardan kelgen kodty engızbeŋız.
• Eger sız qandai da bır tauardy kütseŋız, abai bolyŋyz! Alaiaqtar klientterdı aldau üşın jalǧan jetkızu qyzmetterınıŋ veb-saittaryn oŋai jasai alady.
• İnternet operasiialar üşın qosymşa kartany paidalanyŋyz. Qarajattyŋ şekteulı mölşerın saqtai alatyn sandyq kartany räsımdeudı ūsynamyz. Būl onlain satyp alu kezınde täuekelderdı azaituǧa jäne negızgı jinaqtaryŋyzdy qorǧauǧa kömektesedı.
• Halyk qosymşasy arqyly internet operasiialarǧa tyiym salyŋyz. Būl öz kezegınde täuekelderdı azaituǧa kömektesedı.
Sondai-aq, Halyk ökılderı mūndai alaiaqtyq äreketter 190-bap («Alaiaqtyq»), 195-bap («Aldau nemese senımge qiianat jasau arqyly mülıktık ziian keltıru») jäne 247-bap («Zaŋsyz syiaqy alu») boiynşa tiıstı jazalarmen qylmystyq jauapkerşılıkke tartylatynyn eske salady.
Halyk ärqaşan alaiaqtyqpen küresudıŋ joldaryn jüzege asyra otyryp, barlyq qajettı küşterdı salyp jatyr. Qosymşa aqparat alu üşın myna sıltemege ötuge bolady - https://halykbank.kz/security. Sondai-aq, şotyŋyzda küdıktı äreket baiqalǧan jaǧdaida 7111 nömırı boiynşa banktıŋ koll-ortalyǧyna habarlasuyŋyzdy sūraimyz.
