ارىس اپاتىنىڭ سەبەبى – تۇسىنىكتى: باس قولباسشىدان باستاپ، اسكەري بولىمدەگى ساربازداردىڭ قىزمەت بارىسىنداعى سالعىرتتىعى، جاۋاپسىزدىعى وسى جاعدايعا جەتكىزگەنىن بىلدىك.
اپات سالدارىن دۇنيەجۇزى كوزىمەن كوردى – ءبىر قالانىڭ 45 مىڭ تۇرعىنى بەيبىت كۇندە، شىلدەنىڭ 45 گرادۋس اپتاپ ىستىعىندا بالا-شاعاسىمەن جالاڭاياق بوسىپ كەتتى، ءبىر-اق كۇندە، ءتىپتى، ءبىر ساعاتتىڭ ىشىندە قالا قيراپ، قاڭىراپ قالدى.
سەبەپپەن الدىن-الا كۇرەسۋ، كەلەڭسىزدىكتەردى بولدىرماۋ، بولۋى مۇمكىن قاتەردىڭ الدىن الۋ – ءبىز ءۇشىن جات قۇبىلىس. وعان ءبىلىمىمىز دە، بىلىگىمىز دە جەتپەيدى.
ال ەندى سالدارمەن قالاي كۇرەسەمىز؟ ءوزىمىز جىبەرگەن كەمشىلىكتەر مەن قاتەلىكتەردى مويىنداپ، سول قاتەلىكتەرىمىزدى تۇزەتۋگە كۇشىمىز جەتە مە؟ قولىمىزدان كەلە مە؟ قانشالىقتى قۇلىقتىمىز؟ 30 جىل جالعان ەسەپپەن، الداپ-سۋلاۋمەن ءومىر ءوتتى. ارى قاراي دا سول باعىتتا جالعاستىرا بەرەمىز بە، الدە... «ەل وياندى، ءبىز دە ويانايىق...» دەپ، بيلىك ەلگە بەت بۇرا ما؟
ەل تىزگىنىن ۇستاعان شەنەۋنىكتەردە كوز بولسا، بۇ حالىق ءوز بيلىگىنىڭ وزىنە قاراي جاقىنداۋىن ءالى دە كۇتىپ جۇرگەنىن، ءالى دە جاقسىلىقتان ءۇمىتتى ەكەنىن كورەر ەدى.
«بولار ءىس بولدى، بوياۋى ءسىڭدى». حوش دەلىك.
بۇگىنگى ارىس قالاسىن قالپىنا كەلتىرۋ جۇمىستارى تۋرالى اكىم-قارالار كوز تويىپ، كوڭىل سۇيسىنەرلىكتەي ەسەپتەرىن اياپ جاتقان جوق. ولاردىڭ ەسەبى بويىنشا، ارىس قالاسىنداعى قۇرىلىس جۇمىستارى 90%، ءتىپتى، 90,7% ءبىتىپتى. قالا اكىمىنەن باستاپ، پرەمەر-مينيسترگە دەيىنگى بىرنەشە لاۋازىمدى تۇلعالاردىڭ ەسەبىنە سەنسەك، ۇكىمەت جەتەكشىسى اسقار ءمامين مەن تۇركىستان وبلىسىنىڭ اكىمى ومىرزاق شوكەەۆ 1 تامىزعا دەيىن ارىستاعى قيراعان ۇيلەر مەن عيماراتتاردىڭ 90% قالپىنا كەلتىرىلدى دەپ ەسەپ بەرگەن ەدى.
الايدا ارىستىق تۇرعىندار «بۇل جالعان اقپارات، كەرىسىنشە جۇمىستىڭ 90% بىتپەگەن» دەپ، حالىق نارازىلىعىنىڭ كۇشەيگەنىن ايتىپ وتىر. ەندەشە حالىق نەگە نارازى؟ نەگە ارىستىق تۇرعىنداردىڭ جوندەۋ جۇمىستارىنا كوڭىلى تولمايدى؟ نەگە حالىقتىڭ بيلىككە دەگەن سەنىمى كۇن سايىن تومەندەپ وتىر؟ «ارقا ەگەر جايلى بولسا، ارقار اۋىپ نەسى بار» دەمەكشى، نەگە ارىستىقتىر سوناۋ ارىستان الماتىعا ءبىزدى ىزدەپ كەلەدى؟ نەگە جىلاپ-ەڭىرەپ، ارىز-شاعىمىن ارقالاپ، استاناعا بارادى؟
حالىقتىڭ وتىنىشىمەن ءبىز دە ارىسقا بارىپ، شىنايى جاعدايدى كوزىمىزبەن كوردىك. قالانى وزدەرى وتىرعان كرەسلو بيىگىنەن نەمەسە تىكۇشاقپەن توبەسىنەن كورۋ ءبىر باسقا، ىشىنە كىرىپ، 45 گرادۋس ىستىقتا ءۇيدى-ءۇيدى ارالاپ ءجۇرىپ كوزبەن كورۋ – ءبىر باسقا.
تىكۇشاقپەن كورگەن باسشىلار – بىركەلكى ەتىپ جابىلعان ءۇيدىڭ شاتىرلارىن كوردى. ءيا، بۇل كورىنىستە قالا قۇرىلىسى 90 پايىز بىتكەن. ءبارى جاقسى، ءبارى كەرەمەت. ال سول قىپ-قىزىل شاتىرمەن كومكەرىلگەن قالانىڭ ىشىنە كىرسەڭىز، قىپ-قىزىل شاتىردىڭ قىپ-قىزىل وتىرىك ءۇشىن جاسالعانىنا كوزىڭىز جەتەدى.
ءبىز بەس سەكتوردىڭ (14, 15, 4, 9, 1) جۇمىسىن كوزىمىزبەن كوردىك، سول بەسەۋدىڭ ىشىندە 1-ءشى سەكتوردا عانا (جاۋاپتى – اتىراۋ وبلىسى مەن جەتىساي اۋدانى), راسىمەن، قىزۋ جۇمىس ءجۇرىپ جاتىر، 90% جۇمىس بىتۋگە تاياۋ. مۇنىڭ ءبىر سەبەبى، 1-ءشى سەكتور – جارىلىس بولعان جەرگە ەڭ جاقىن، اسكەري ارسەنالدىڭ تۋرا ىرگەسىندەگى ۋچاستوك بولعاندىقتان شىعار دەپ تۇيدىك. بۇل سەكتورعا 466 ءۇيدىڭ قۇرىلىس جۇمىستارى جۇكتەلگەن. سونىڭ 56-سى تولىق ءسۇرىلىپ، قايتا سالىنعان. «جۇمىس اياقتالۋعا جاقىن، شامامەن، ءبىر اپتادان كەيىن جاپپاي قونىستانۋ بولادى دەپ وتىرمىز» دەپ اعىنان جارىلدى جەتىساي اۋدانى اكىمىنىڭ ورىنباسارى ماقسات جولداسبەكوۆ.
ءبىز ەكى كۇندە 70-تەن استام ءۇيدى ارالادىق. 14, 15, 4, 9 سەكتورلارداعى كوزىمىزبەن كورگەن نەگىزگى باستى ماسەلەلەردى تىزەيىك (باستى ماسەلەلەر دەپ باسا ايتقان سەبەبىمىز، ءبىز ازىرگە قورا-قوپسى، دۇنيە-مۇلىك، باسقا دا ماسەلەلەردى تىزبەكتەمەي، تەك باسپاناعا قاتىستى ەڭ كۇردەلى پروبلەمالارعا نازار اۋدارعىمىز كەلەدى):
- قيراپ تۇرعان ۇيلەردىڭ شاتىرى جابىلعان. بارلىق ۇيلەردىڭ تەك شاتىرىن جابۋ باستى ماقسات بولعان. توبەسى (شاڭىراعى، «پوتولوگى») جوق ۇيلەردىڭ دە شاتىرى جاپ-جاڭا، قىزىلدى-جاسىلدى پروفناستيلمەن جابىلعان. و زامان دا، بۇ زامان، توبەسى جوق ءۇيدىڭ شاتىرىن جاپقاندى قايدان كوردىڭىزدەر؟ مەن قۇرىلىسشى ەمەسپىن، بىراق شاتىردى جابۋ ءۇشىن الدىمەن ءۇيدىڭ توبەسى جابىلۋ كەرەكتىگىن تۇسىنەمىن.
- اپاتتى جاعدايداعى ۇيلەردىڭ سۇرىلمەۋى. حالىقتىڭ ايتۋىنشا، العاشقى كۇنى كوميسسيا ارالاپ كورگەندە كوپتەگەن ءۇيدى «ءسۇرىپ، قايتا سالامىز» دەپ، قۇجات جۇزىندە شەشىم شىعارماسا دا، اۋىزشا ۋادە بەرگەن. كەيىننەن كوميسسيا ءارتۇرلى قۇرامدا، 4-5 رەت رەت ۇيلەردى ارالاپ شىققان. بارلىق ۇيگە دەرلىك «سۇرىلمەيدى، جوندەۋگە جارامدى» دەپ شەشىم شىعارىپ بەرگەن. مىسالى، 14 سەكتوردا 527 ءۇي بار. سونىڭ جەتەۋىن عانا سۇرۋگە شەشىم شىعارعان بولسا، بۇگىندە 6 ءۇي ءسۇرىلىپ، قايتا سالىنۋدا. 1 ءۇيدىڭ ءالى ىرگەتاسى دا قۇيىلماعان. حالىقتىڭ ايتۋىنشا، 14 سەكتوردا ارى كەتسە، 100-گە جۋىق ءۇيدىڭ جۇمىسى اياقتالعان شىعار، 400-دەن استام ءۇيدىڭ شاتىرى عانا اۋىسقانى بولماسا، باسقا جۇمىستار اتقارىلماعان.
- قابىرعالار جوندەۋگە كەلمەيدى. كوپتەگەن ۇيلەردە شاتىر مەن قابىرعالاردىڭ، قابىرعا مەن قابىرعالاردىڭ اراسى قاقىراپ، سوگىلگەن. جارىق كولەمى 2-8 سم ارالىعىندا. كەي ۇيلەردەگى جۇدىرىقتاي جارىقتان كۇن كورىنىپ تۇر. توبەنىڭ بەلدەۋ اعاشتارى (بالكاسى) سىنىپ، وپىرىلىپ تۇرعان توبەلەرىن، شالقايىپ، تولقىندانىپ، اجىراپ تۇرعان قابىرعالارىن تەمىر تورمەن قۇرساۋلاي سالعان.
- قالاداعى بارلىق ۇيلەردىڭ ەسىك-تەرەزەلەرى، شاتىرى قيراعانى ءمالىم. قۇرىلىسشىلار بارلىق ۇيلەردىڭ شاتىرىن اۋىستىرعانىمەن، ەسىك-تەرەزەلەر تۇگەل اۋىستىرىلماعان.
- كوپ ۇيلەردىڭ ىشكى، سىرتقى سىلاقتارى وپىرىلىپ ءتۇسىپ جاتىر. تۇرعىندارعا «قۇرىلىسشى جەتىسپەي جاتىر، وزدەرىڭ سىلاقتاردى ءتۇسىرىپ، دايىنداي بەرىڭدەر، ەڭبەكاقىلارىڭدى تولەيمىز» دەپ ۋادە بەرىپ، سول ۋادەلەرىندە تۇرماعان.
- ەڭبەك كۇشىنىڭ (قۇرىلىسشىلاردىڭ), قۇرىلىس ماتەريالدارىنىڭ جەتىسپەۋشىلىگى. حالىق جۇمىس كۇشىن تابۋعا، جوندەۋ جۇمىستارىمەن وزدەرى اينالىسۋعا، كەيبىر قۇرىلىس ماتەريالدارىن وزدەرى ساتىپ الۋعا ءماجبۇر.
- سىرتتاي جالعان قۇجات جاساۋ. كەي ۇيدە تىركەۋدە تۇرعان ادامداردىڭ بىرنەشەۋىن، وزدەرىنىڭ ىرقىنان تىس، ايتپاي، ارىستاعى ۇيىنەن تىركەۋدەن شىعارىپ، سىرتتاي باسقا اۋداندارعا، بوتەن بىرەۋلەردىڭ ۇيلەرىنە تىركەۋگە قويعان. مۇنى تۇرعىندار «100 مىڭ تەڭگە مورالدىق وتەماقىنى تولەمەۋ ءۇشىن سولاي قيتۇرقىلىق جاساعان» دەپ باعالاپ وتىر.
- كەلىسۋگە ماجبۇرلەۋ. «ءۇيىم قۇلاپ تۇر، جوندەۋگە جارامايدى، ءسۇرىپ، قايتا سالۋ كەرەك» دەگەندەرگە: «ەگەر سەن جوندەۋ جۇمىستارىن جۇرگىزۋگە كەلىسپەسەڭ، وندا سەنىڭ ءۇيىڭدى جاساۋدان مۇلدە باس تارتامىز، ەرتەڭ سول رەمونتقا دا زار بوپ قالاسىڭ» دەپ، قورقىتىپ، ماجبۇرلەگەندىكتەن، كوپتەگەن تۇرعىندار جوندەۋ جۇمىستارىنا كەلىسكەندىكتەرىن ايتتى.
- جۇمىستىڭ دۇرىس ۇيىمداستىرىلماۋى. قۇرىلىسشىلاردىڭ جەتىسپەۋشلىگى، قۇرىلىس ماتەريالدارى مەن تەحنيكانىڭ جەتىسپەۋشىلىگى، جۇمىس ىستەگەن تۇرعىنداردىڭ ەڭبەكاقىسى دۇرىس تولەنبەۋى; كوپبالالى وتباسىلار، 1, 2, 3-توپتاعى مۇگەدەك جاندار، وتا جاساتىپ اۋرۋحانادان ەندى عانا شىققان ناۋقاستار، جاس بوسانىپ، پەرزەنتحانادان شىققان انالار مەن قىرقىنان شىقپاعان سابيلەر، تۋىسى جوق جالعىزىلىكتى قارتتار ت.ب. ءبىرىنشى كەزەكتە ەسكەرىلەتىن الەۋمەتتىك قورعاۋعا مۇقتاج جاندار ەكىنشى، ءۇشىنشى پلانعا شەگەرىلگەن نەمەسە مۇلدە ەسكەرۋسىز قالعان.
- جەڭۇشىنان جالعاسۋ. «اپاتتى جاعدايدا بولماسا دا، كىشىگىرىم جارىلعان ۇيلەردى ءسۇرىپ، قايتا سالىپ جاتىر، ال ناعىز قۇلايىن دەپ تۇرعان ۇيلەردى سۇرمەي، جوندەۋگە جارامدى دەپ شەشىم شىعاردى. ءتىلىن تاپقاندار، ەبىن تاپقاندار ەكى اساپ جاتىر...» دەگەن حالىقتىڭ سوزىنەن مۇندا دا جەڭۇشىنان جالعاسۋ ورىن العان دەگەن قورىتىندى جاساۋعا بولادى.
- قۇرىلىس قالدىقتارىن توگۋ. قۇرىلىس قالدىقتارى، قوقىس قالا كوشەلەرىنىڭ كەز-كەلگەن قيىلىسىندا، جول جاعالاي ءۇيىلىپ جاتىر. توننالاپ شىققان قۇرىلىس قالدىقتارىن وزەن ارنالارىنا، اۋىل ورتاسىنداعى سايعا توگىپ، ارىس وزەنىنىڭ تولىپ، تاسىعاندا اعاتىن ساي-سالالارىن بىتەپ جاتىر.
ارىستىق اعايىندار پرەزيدەنت قاسىم-جومارت توقاەۆتىڭ ارىستى قالپىنا كەلتىرۋ بويىنشا بەرگەن تاپسىرمالارىنىڭ ورىندالمايتىنىنا نارازى. اسقار ءمامين ارىسقا ءۇش رەت كەلىپ، ۇشەۋىندە دە حالىقپەن كەزدەسپەگەن. ۆيتسە پرەمەر جەڭىس قاسىمبەك تە وسى جاعدايدى قايتالاعان. «تۇركىستان وبلىسىنىڭ اكىمى ومىرزاق شوكەەۆ ارىستا ءبىر اي تۇرۋعا ۋادە بەرگەنىمەن، ءبىر اپتادان كەيىن جوق بولدى. الماتى قالاسىنىڭ اكىمى باقىتجان ساعىنتاەۆ ءوز قالاسىنىڭ قۇرىلىسشىلارى جاۋاپتى سەكتوردىڭ جۇمىسىن ءبىر رەت كەلىپ كورگەن جوق» دەيدى تۇرعىندار. حالىق ۇكىمەت ادامدارىنىڭ پرەزيدەنت تاپسىرماسىمەن كەلىپ، تەك وزدەرىنە باعىنىشتى مۇعالىمدەرمەن عانا كەزدەسەتىنىنە، پرەمەر-مينيستر كەلگەندە پوليتسيانىڭ كولىكتەردى توقتاتىپ، ادامداردى جاقىنداتپايتىنىنا، ۇيلەرىنەن شىعۋعا تىيىم سالاتىنىنا نارازى. ارىستاعى جاعدايدى الماتىعا بارىپ، جۋرناليستەرگە اشىق جەتكىزگەنى ءۇشىن ۇبايدوللا ءسۇيىنباي دەگەن زەينەتكەرگە اۋداندىق پوليتسيا ءبولىمىنىڭ باسشىلىعى حابارلاسىپ، تەلەفون ارقىلى سەس كورسەتكەن. بۇدان وزگە دە تولىپ جاتقان كەمشىلىكتەردى ايتىپ، ارىس تۇرعىندارى پرەزيدەنتتەن ايرىقشا كومەك سۇرايدى، ارىستاعى قۇرىلىس جۇمىستارىن تىكەلەي باقىلاۋىنا الۋىن وتىنەدى.
ءبىز وقىرماندارعا، اسىرەسە، ۇكىمەتتەگى جانە ارىستاعى اتقارۋشى ورگانداردىڭ نازارىنا بىرقاتار ارىستىق تۇرعىنداردىڭ ءتىزىمىن ۇسىنىپ وتىرمىز. بۇل كىسىلەردىڭ ۇيلەرىنىڭ بۇگىنگى جاعدايى دا، ارىز-شاعىمدارى دا بىردەي، ۇقساس: ۇيلەرى اپاتتى جاعدايدا قيراپ تۇرسا دا سۇرىلمەگەن، كەيبىر ۇيلەر ءسۇرىلىپ، قايتا سالىنباعان، ال قۇرىلىس جۇمىستارى باستالعان ۇيلەردىڭ تەك شاتىرى عانا جابىلىپ، باسقا كۇردەلى جوندەۋ جۇمىستارى باستالماعان كوپ ۇيلەردىڭ قابىرعالارى جارىلعان، ىرگەسى سوگىلىپ، اجىراعان، توبەسى قۇلاعان، ەسىك-تەرەزەلەر ورناتىلماعان، سىلاق جۇمىستارى جۇرگىزىلمەگەن، جوندەۋ جۇمىستارى باستالعان ۇيلەردىڭ جۇمىسى ساپاسىز، سەيسموپوياس قۇيىلماعان، لاي كىرپىشتى تورسىممەن جاۋىپ، قالىڭ شەگەمەن بەكىتكەن، كۇردەلى جوندەۋ ەمەس، جاي عانا سىلاپ-سيپاپ، جەڭىل جوندەۋ جۇمىستارىن جاساپ جاتىر، ت.ب. ۇقساس كورىنىستەر.
1.شوقانوۆ مۇسا، تۋرا جول كوشەسى، 46/1 ءۇي.
- ەسىموۆ نۇرلان، تۋرا جول كوشەسى، 46 ءۇي.
- مادياروۆا اليقىز، تۋرا جول كوشەسى، 10 ءۇي.
- جولتاەۆا ازيا، تۋرا جول كوشەسى، 11 ءۇي.
- دوسمىرزاەۆ جالعاسبەك، تۋرا جول كوشەسى، 51 ءۇي.
- شوقانوۆ سامات، وركەندەۋ كوشەسى، 34 ءۇي.
- شوقانوۆ مۇرات، وركەندەۋ كوشەسى، 31-34 ءۇي.
- بەركىمباەۆ باۋىرجان، وركەندەۋ كوشەسى، 37 ءۇي.
- قۇرمانباەۆ مۇرات، وركەندەۋ كوشەسى، 35 ءۇي.
- سۋاروۆ بازارباي، وركەندەۋ كوشەسى، 39 ءۇي.
- مالدىباەۆا جانار، وركەندەۋ كوشەسى، 31 ءۇي.
- جۇپاربەكوۆ قالاۋبەك، وركەندەۋ كوشەسى، 22 ءۇي.
- جانتورە ەرعالي، وركەندەۋ كوشەسى، 1 ءۇي.
- بايدۋللاەۆ ءبىرجان، وركەندەۋ كوشەسى، 36 ءۇي.
- بايتانوۆ قانات بولىسبەكۇلى، وركەندەۋ كوشەسى، 36 ءۇي.
- باينيازوۆا فاريدا، وركەندەۋ كوشەسى
- وڭعاربەكوۆا مايرا، وركەندەۋ كوشەسى
- بايكەنجيەۆ ەرالى، اقشۋاق كوشەسى، 82 ءۇي.
- تۇرسىنباەۆ ەرجان، تۇرسىنباەۆ سەرعازى، اقشۋاق كوشەسى، 20 ءۇي.
- بايزاقوۆ مەيرامبەك، اقشۋاق كوشەسى، 24 ءۇي.
- كەمەلبەكوۆ ءابدىراسىل، اقشۋاق كوشەسى، 25 ءۇي.
- جۇمادىللاەۆ قادىر، اقشۋاق كوشەسى، 8 ءۇي.
- تاۋكەنوۆ جۇمان، اقشۋاق كوشەسى، 19 ءۇي.
- نۇرقوجاەۆا پەرۋزا، اقشۋاق كوشەسى، 15 ءۇي.
- رىسبەكوۆ وردابەك، اسان قوجا كوشەسى، 14 «ا» ءۇي
- اقىلباەۆ دۇيسەنباي، اسان قوجا كوشەسى، 2 ءۇي.
- سۇيىنباەۆ ۋبايدۋللا، اسان قوجا كوشەسى، 9 ءۇي.
- امىرەەۆ ومىرزاق، اسان قوجا كوشەسى، 1 ءۇي.
- سادىقبەكوۆ ءامىرحان، اسان قوجا كوشەسى، 10 ءۇي.
- قۋاتبەكوۆ ءالىم قالدىبايۇلى، الماتى كوشەسى
- بەكتۇرسىنوۆ توقماحامبەت، الماتى كوشەسى، 24 ءۇي.
- دوسمىرزاەۆ باقتيار (1 ءۇي)
- ەدىلبەكوۆا رايگۇل، كەمەل كوشەسى، 1 ءۇي.
- ورىنباساروۆ ەرزات (18 ءۇي)
- قۇدايحۋلوۆ ءابدىراحمان، قاينازاروۆ كوشەسى، 3 ءۇي.
- اپپازوۆا زاۋرە، ا. قۇلجاباەۆ كوشەسى، 27 ءۇي.
- امانجولوۆا ۇلبولعان، ا. قۇلجاباەۆ كوشەسى، 27/2 ءۇي.
- دۇيسەنوۆا اشىركۇل، ا. قۇلجاباەۆ كوشەسى، 27/4 ءۇي.
- شونجانوۆ سەيىلحان، ب.مومىشۇلى كوشەسى، 28 ءۇي.
- مالدىباەۆ بايسان، ب.مومىشۇلى كوشەسى، 19 ءۇي.
- قالحودجاەۆ ءتولجان، ب.مومىشۇلى كوشەسى
- توسىباەۆ عالىمجان، د.نۇرپەيىسوۆا كوشەسى، 27 ءۇي.
- شونجاەۆا شاراپات، د.نۇرپەيىسوۆا كوشەسى، 25 ءۇي
- الدابەرگەن، ش.ۋاليحانوۆا كوشەسى، 28 ءۇي.
- قونىسباەۆا زابيرا، اقدالا كوشەسى، 7 ءۇي.
- اقتانوۆا ءلاززات، احىمبەكوۆ كوشەسى، 20/3 ءۇي.
- ناتاليا ماندىشەۆا، اباي كوشەسى، 7 ءۇي.
- وڭعاربەكوۆ باقىتجان، اباي كوشەسى، 14 ءۇي.
- باقىتجانوۆ ايبەك، اباي كوشەسى، 18 ءۇي.
- بەردىبەكوۆ ورىنبەك، اباي كوشەسى، 17 ءۇي.
- اۋباكيروۆ نۇرعالي، بەيبىتشىلىك كوشەسى، 18 ءۇي.
- نۇرماحانوۆ نۇرجان، كەمبابا كوشەسى، 2 ءۇي.،
- تاسبولاتوۆ اسان، ن.ءىلياسوۆ كوشەسى، 84 ءۇي.
- ابدراەۆا ايگۇل، پاكەنتاي اراپوۆ كوشەسى، 44 ءۇي.
- ايناحانوۆا ۆاسيلا، ب.وقتاەۆ كوشەسى، 58 ءۇي.
- مومبەكوۆا پەرنەش، بورىقباەۆ كوشەسى، 10/1 ءۇي.
- بەردىباي فاريدا نۇرلانقىزى، شپز كوشەسى, 27 ءۇي.
- شپەكوۆ قۇرالباي، ت.رىسقۇلوۆ كوشەسى، 51 ءۇي.
- اسىلبەك ايجان، ر.قوشقارباەۆ كوشەسى
- قانات احمەتوۆ، تولەپوۆ كوشەسى، 15 ءۇي.
- ۋتەشوۆ سەرىك، امانگەلدى كوشەسى، 10 ءۇي.
- دۇيسەبەكوۆا زۋحرا، امانگەلدى كوشەسى، 12 ءۇي.
- دۋلاتبەكوۆا ايعانىم، امانگەلدى كوشەسى، 19 ءۇي.
- قوجامقۇلوۆ داۋلەت، امانگەلدى كوشەسى، 17 ءۇي،
- ومىرزاقوۆا بورانكۇل، امانگەلدى كوشەسى، 23 ءۇي.
- قۇلمانوۆ ءبىرجان، جامانقارا كوشەسى، 7 ءۇي.
- ومارعاليەۆا مەيرامكۇل، جامانقارا كوشەسى، 5 ءۇي
- ۋتەشوۆا مايرام، مايلىقوجا كوشەسى، 60 ءۇي
- قالكوزوۆ عاني، ەرۋباەۆ كوشەسى، 24 ءۇي
- ساپاروۆ جالعاسبەك، ب.مومىشۇلى كوشەسى، 24 ءۇي
- شونجانوۆ سەيىلحان، ب.مومىشۇلى كوشەسى، 7 ءۇي.
- مۇحيت ونباساروۆ، اقىنبەكوۆ كوشەسى، 81 ءۇي.
- سەيدازيموۆا ءلايلا، ا.اقكوزوۆ كوشەسى، 39
- ەركىنباەۆا ينديرا، مەكتەپتە تۇرىپ جاتىر، باسپاناسى جوق، بۇرىن پاتەر جالداپ تۇرعان، 2 بالاسى بار. ۇشىنشىسىنە اياعى اۋىر. ەشقانداي مەديتسينالىق كومەك المايدى. مەكتەپكە باراتىن بالا-شاعاسىنا كومەك كەرەك.
- شاراپاتوۆا ينديرا، مەكتەپتە تۇرىپ جاتىر، باسپاناسى جوق، بۇرىن پاتەر جالداپ تۇرعان، 3 بالاسى بار. مەكتەپكە باراتىن بالا-شاعاسىنا كومەك المايدى.
ساۋلە ابىلداحانقىزى
"ادىرنا" ۇلتتىق پورتالى
