«Qarmet» AQ qyzmetkerleriniń qaza tapqany týraly aqparatty joqqa shyǵardy, dep habarlaıdy “Adyrna” ulttyq portaly kompanııanyń baspasóz qyzmetine siltep.
«Búgingi kúni birqatar BAQ-ta jáne telegram-kanaldarda «Qarmet» AQ qyzmetkerleri demontajdaý jumystaryn júrgizý kezinde oqys oqıǵa oryn aldy degen aqparat tarady. Bul aqparat shyndyqqa janaspaıdy jáne jalǵan», - delingen habarlamada.
Málimetterge sáıkes, demontajdaý jumystaryn júrgizý kezinde «Qazmehanomontaj» JShS kásipornynyń jumysshylary apatqa ushyraǵan.
«Qarmet» AQ «Qazmehanomontaj» JShS-niń qaıtys bolǵan jumysshylarynyń otbasylaryna qaıǵylaryna ortaqtasyp kóńil aıtady.
Esterińizge sala keteıik, búgin 25 tamyzda Temirtaýdaǵy “Qarmet” JShS-nyń eki qyzmetkeri jumys barysynda apatqa ushyrap qaza tapqany jaıly jazǵan edik.
