"سامۇرىق-ەنەرگو" كومپانياسى وزىنە قاراستى "مويناق گەس" اق-مەن بىرگە قىتايدىڭ مەملەكەتتىك دامۋ بانكىنەن العان قارىزدى مەرزىمىنەن بۇرىن وتەدىى، دەپ حابارلايدى Sputnik قازاقستان .

"سامۇرىق-ەنەرگو" كومپانياسىنىڭ دەپارتامەنت باسشىسى سەرگەي ءليدىڭ ايتۋىنشا، ۆاليۋتالىق قارىزدىڭ سوماسى 136,6 ميلليون اقش دوللارى كولەمىندە بولعان. ونى مەرزىمىنەن بۇرىن وتەۋدىڭ ناتيجەسىندە كومپانيانىڭ ۆاليۋتالىق بەرەشەگىنىڭ جالپى ۇلەسى بىردەن 17 پروتسەنتتەن 3 پروتسەنتكە دەيىن تومەندەدى.

"قىتايدىڭ مەملەكتتىك دامۋ بانكىنەن الىنعان قارىزدىڭ مولشەرلەمەسى 1,2 پروتسەنت بولدى. وعان قوسا، التى ايلىق LIBOR (لوندوننىڭ بانكارالىق ۇسىنىس ستاۆكاسى - Sputnik) بار. ول شامامەن 3,7 پروتسەنت. ال قارىزدىڭ مەرزىمى 2029 جىلعا دەيىن ەسەپتەلگەن ەدى", - دەدى لي بۇگىن ءباسپاسوز ءماسليحاتىندا.

دەپارتامەنت باسشىسى قىتاي بەرگەن قارىزدىڭ قاي اقشانىڭ ەسەبىنەن وتەلگەنىن دە ايتىپ بەردى. ونىڭ سوزىنە قاراعاندا، "استانا" حالىقارالىق قارجى ورتالىعى ارقىلى "مويناق گەس" كومپانياسىنىڭ قۇندى قاعازدارى ساتىلىمعا شىعارىلعان. وسىلايشا، قارىزدى وتەۋگە قاجەتتى قوسىمشا قارجى تارتىلدى. بۇدان بولەك، قىتايدىڭ مەملەكەتتىك دامۋ بانكىندە 5,6 ميلليارد تەڭگە كەپىلزات رەتىندە جاتتى. قارىزدى وتەۋ كەزىندە وسى قارجى دا سالىنعان.

"حالىقارالىق قارجى ورتالىعىنىڭ بيرجاسىندا ءبىز العاشقى ەميتەنتتەردىڭ ءبىرى بولدىق. الداعى ۋاقىتتا وسى ىنتىماقتاستىق بايلانىستارىن جالعاستىرۋعا مۇددەلىمىز", - دەپ اتاپ كورسەتتى لي.

ايتا كەتەيىك، قانتاەۆ اتىنداعى مويناق سۋ ەلەكتر ستانتسياسى 2012 جىلى پايدالانۋعا بەرىلگەن بولاتىن. بۇل كەشەن الماتى وبلىسىنداعى شارىن وزەنىندە ورنالاسقان. ستانتسيا الماتى، جامبىل، قىزىلوردا مەن تۇركىستان وبلىستارىن ەلەكتر ەنەرگيامەن قامتاماسىز ەتەدى. ونىڭ قۇرىلىسىنا قازاقستاننىڭ دامۋ بانكى مەن قىتايدىڭ مەملەكەتتىك دامۋ بانكى قارجىسى سالىنعان ەدى.