قازاقستان بيۋدجەتىنەن ۇلتتىق قۇرامانىڭ پاريجگە دايىندىعىنا 1 ميلليارد تەڭگەدەي جۇمسالعان، دەپ حابارلايدى "ادىرنا" ۇلتتىق پورتالى.
ەلىمىزدەن بيىلعى باسەكەگە 80 سپورتشى سپورتتىڭ 25 تۇرىنەن 92 ليتسەنزياعا يە بولعان ەدى. الايدا قوس تەننيسشى ەلەنا رىباكينا مەن يۋليا پۋتينتسەۆا الامانعا قاتىسۋدان باس تارتتى.
كەيىننەن باق بەتتەرىندە پاريج وليمپياداسىنا قانشا تەڭگە بولىنگەنى تۋرالى اقپارات جاريا بولدى.
«ۇلتتىق قۇرامانى دايىنداۋعا جانە ونىڭ وليمپيادا ويىندارىنا قاتىسۋىنا شامامەن 980 ميلليون تەڭگە جۇمسالدى»، – دەگەن ەدى تۋريزم جانە سپورت ۆيتسە-ءمينيسترى سەرىك جاراسباەۆ.تورتجىلدىقتىڭ باس دوداسىنىڭ ناتيجەسىندە مەدال سانى بويىنشا قازاقستان 43-ورىنعا تۇراقتادى. ۇلتتىق قۇراما قورجىنىندا 1 التىن، 3 كۇمىس، 3 قولا – بارلىعى 7 مەدال بار.
