بيىل 1 قىركۇيەكتە قازاقستاننىڭ بارلىق مەكتەبىندە بىردەي سالتاناتتى جيىن وتەدى. بۇل تۋرالى بۇگىن، 23 تامىزدا وقۋ-اعارتۋ مينيسترلىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
رەسمي دەرەكتەرگە سۇيەنسەك، جاڭا وقۋ جىلىندا 345 مىڭ 1-سىنىپ وقۋشىسى العاش رەت مەكتەپ پارتاسىنا وتىرادى. ولار ءۇشىن 1 قىركۇيەكتە «مەكتەبىم – مەيىرىم مەكەنى» تاقىرىبىندا سالتاناتتى شارا وتەدى.
2 قىركۇيەك – جاڭا وقۋ جىلىنىڭ ءبىرىنشى كۇنى «مەنىڭ وتانىم – قازاقستان» تاقىرىبىندا بىرىڭعاي سىنىپ ساعاتىمەن باستالىپ، ءارى قاراي ساباق كەستەسىنە سايكەس جالعاسادى.
ايتا كەتەيىك، بۇعان دەيىن الماتى قالاسىنىڭ ءبىلىم باسقارماسى باسشىسىنىڭ ورىنباسارى ايدىن سايلاۋباي وكق وتكەن بريفينگتە قالا مەكتەپتەرىندە العاشقى قوڭىراۋ 2 قىركۇيەكتە وتەتىنىن مالىمدەگەن ەدى.
