Bıyl 1 qyrkúıekte Qazaqstannyń barlyq mektebinde birdeı saltanatty jıyn ótedi. Bul týraly búgin, 23 tamyzda Oqý-aǵartý mınıstrliginiń baspasóz qyzmeti aıtty, dep habarlaıdy «Adyrna» tilshisi.
Resmı derekterge súıensek, jańa oqý jylynda 345 myń 1-synyp oqýshysy alǵash ret mektep partasyna otyrady. Olar úshin 1 qyrkúıekte «Mektebim – meıirim mekeni» taqyrybynda saltanatty shara ótedi.
2 qyrkúıek – jańa oqý jylynyń birinshi kúni «Meniń Otanym – Qazaqstan» taqyrybynda Biryńǵaı synyp saǵatymen bastalyp, ári qaraı sabaq kestesine sáıkes jalǵasady.
Aıta keteıik, buǵan deıin Almaty qalasynyń bilim basqarmasy basshysynyń orynbasary Aıdyn Saılaýbaı ÓKQ ótken brıfıngte qala mektepterinde alǵashqy qońyraý 2 qyrkúıekte ótetinin málimdegen edi.
