سەرىكجان ءبىلاش نۇر-سۇلتاننان الماتىعا جەتكىزىلدى

قازاقستان بيلىگى بيىل ناۋرىزدا ءبىلاشتى الماتىداعى قوناقۇيلەردىڭ بىرىندە ۇستاپ، نۇر-سۇلتانعا جەتكىزگەن. وعان قىلمىستىق كودەكستىڭ "الەۋمەتتiك، ۇلتتىق، رۋلىق، ناسiلدiك، تەكتىك-توپتىق نەمەسە دiني الاۋىزدىقتى قوزدىرۋ" بابى بويىنشا (174-باپتىڭ 1-بولىگى) ايىپ تاققان. بۇل باپ بويىنشا جەتى جىلعا دەيiنگi مەرزiمگە باس بوستاندىعىن شەكتەۋ نە سول مەرزiمگە باس بوستاندىعىنان ايىرۋ جازاسى قاراستىرىلعان. ءبىلاش بىرنەشە اي نۇر-سۇلتاندا ۇيقاماقتا وتىرعان. كەيىن نۇر-سۇلتان سوتى ونىڭ ءىسىن الماتىعا قاراۋعا جىبەرگەن.

وماروۆانىڭ سوزىنشە، ءبىلاشتى نۇر-سۇلتاننان الماتىعا جەتكىزگەندە جانىندا ەكى ادام ەرىپ جۇرگەن. ولار ۇشاقپەن الماتىعا بىرگە ۇشىپ كەلگەن. ءبىلاش پەن ادۆوكاتتى الماتى اۋەجايىنان پوليتسەي كورتەجى كۇتىپ الىپ، ۇيىنە جەتكىزگەن. ەندى ول الماتىداعى باسپاناسىندا ۇيقاماقتا بولادى.

سەرىكجان ءبىلاش 2019 جىلى كەيبىر قازاقستاندىق قوعام قايراتكەرىنىڭ بەلسەندىنى ايىپتاعان حاتى جاريالانعاننان كەيىن بيلىكتىڭ نازارىنا ىلىككەن. اقپاندا الماتى سوتى بىلاشقا "تىركەلمەگەن بىرلەستىككە جەتەكشىلىك جاساعانى جانە قاتىسقانى" ءۇشىن ايىپپۇل سالعان.