Serikjan Bilásh Nur-Sultannan Almatyǵa jetkizildi

2860
Adyrna.kz Telegram

Qazaqstan bıligi bıyl naýryzda Biláshti Almatydaǵy qonaqúılerdiń birinde ustap, Nur-Sultanǵa jetkizgen. Oǵan Qylmystyq kodekstiń "Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý" baby boıynsha (174-baptyń 1-bóligi) aıyp taqqan. Bul bap boıynsha jeti jylǵa deıingi merzimge bas bostandyǵyn shekteý ne sol merzimge bas bostandyǵynan aıyrý jazasy qarastyrylǵan. Bilásh birneshe aı Nur-Sultanda úıqamaqta otyrǵan. Keıin Nur-Sultan soty onyń isin Almatyǵa qaraýǵa jibergen.

Omarovanyń sózinshe, Biláshti Nur-Sultannan Almatyǵa jetkizgende janynda eki adam erip júrgen. Olar ushaqpen Almatyǵa birge ushyp kelgen. Bilásh pen advokatty Almaty áýejaıynan polıeı korteji kútip alyp, úıine jetkizgen. Endi ol Almatydaǵy baspanasynda úıqamaqta bolady.

Serikjan Bilásh 2019 jyly keıbir qazaqstandyq qoǵam qaıratkeriniń belsendini aıyptaǵan haty jarııalanǵannan keıin bıliktiń nazaryna ilikken. Aqpanda Almaty soty Biláshqa "tirkelmegen birlestikke jetekshilik jasaǵany jáne qatysqany" úshin aıyppul salǵan.

 

Pikirler