2024 جىلعى 4 قىركۇيەكتە ساعات 15.00-دە استانا قالاسىندا قازاقستان جۇمىس بەرۋشىلەرىنىڭ سەزى وتەدى، وعان حالىقارالىق ەڭبەك ۇيىمىنىڭ باس ديرەكتورى جيلبەر ۋنگبو العاش رەت قاتىسادى.
حەۇ – بىرىككەن ۇلتتار ۇيىمىنىڭ ەڭبەك قاتىناستارىن رەتتەۋ جونىندەگى مامانداندىرىلعان مەكەمەسى بولىپ كەلەدى، ونىڭ قۇرامىنا قازاقستاندى قوسقاندا 187 مەملەكەت كىرەدى.
قازاقستان رەسپۋبليكاسى جۇمىس بەرۋشىلەرىنىڭ قاتىسۋىمەن وتەتىن فورۋمدا الەۋمەتتىك ارىپتەستىكتىڭ وزەكتى ماسەلەلەرى تالقىلانادى. حەۇ باس ديرەكتورى جيلبەر ۋنگبو، «PARYZ» قازاقستان رەسپۋبليكاسى جۇمىس بەرۋشىلەر ۇلتتىق كونفەدەراتسياسى پرەزيديۋمىنىڭ توراعاسى جۇمابەك جانىقۇلوۆ، سونداي-اق «سامۇرىق-قازىنا» اق باسشىلارى بايانداما جاسايدى.
وتىرىستى «PARYZ» قازاقستان رەسپۋبليكاسى جۇمىس بەرۋشىلەر (كاسىپكەرلەر) ۇلتتىق كونفەدەراتسياسى مۇشەلەرىنىڭ سەزى جالعاستىرادى، وندا جۇمىستى قورىتىندىلاۋ جانە «PARYZ» كونفەدەراتسياسىنىڭ ودان ءارى دامۋ پەرسپەكتيۆالارىن انىقتاۋ جوسپارلانادى جانە باسقا اكىمشىلىك ماسەلەلەردى قاراستىرادى. ءىس-شاراعا قازاقستان رەسپۋبليكاسىنىڭ ءىرى كاسىپورىندارى مەن سالالىق بىرلەستىكتەرىنىڭ باسشىلارى قاتىسادى.
وتەتىن ورنى: استانا قالاسى، سىعاناق كوش.، 60/1 Sheraton Astana Hotel, Ballroom, 3 قابات.
باق وكىلدەرىن اككرەديتتەۋ: 8-705-621-19-21 «PARYZ» كونفەدەراتسياسى.
انىقتاما ءۇشىن:
«PARYZ» قازاقستان رەسپۋبليكاسى جۇمىس بەرۋشىلەر (كاسىپكەرلەر) ۇلتتىق كونفەدەراتسياسى حەۇ مويىنداعان قازاقستانداعى جالعىز رەسپۋبليكالىق جۇمىس بەرۋشىلەردىڭ بىرلەستىگى جانە قازاقستان رەسپۋبليكاسىنداعى جۇمىس بەرۋشىلەر حالىقارالىق ۇيىمىنىڭ جالعىز سەرىكتەس مۇشەسى بولىپ تابىلادى.
«PARYZ» كونفەدەراتسياسىنىڭ قىزمەتى 25 جىل ىشىندە قازاقستاندا الەۋمەتتىك سەرىكتەستىك پەن ديالوگتى دامىتۋعا، بيزنەستىڭ الەۋمەتتىك جاۋاپكەرشىلىگىن ىلگەرىلەتۋگە، باسقارۋدىڭ بارلىق دەڭگەيىندە جۇمىس بەرۋشىلەردىڭ مۇددەلەرىن بىلدىرۋگە جانە قورعاۋعا باعىتتالعان.
«PARYZ» كونفەدەراتسياسى الەۋمەتتىك ارىپتەستىك سونداي-اق الەۋمەتتىك جانە ەڭبەك قاتىناستارىن رەتتەۋ جونىندەگى رەسپۋبليكالىق ۇشجاقتى كوميسسيانىڭ مۇشەسى جانە دە قازاقستان رەسپۋبليكاسىنىڭ ۇكىمەتى، جۇمىس بەرۋشىلەر رەسپۋبليكالىق بىرلەستىكتەرى مەن كاسىپوداقتار اراسىنداعى باس كەلىسىمگە قول قويۋشى بولىپ تابىلادى. وسىعان ۇقساس جۇمىستار سالالار مەن ايماقتار بويىنشا جۇرگىزىلۋدە.
بۇگىنگى تاڭدا «PARYZ» كونفەدەراتسياسىنا 33 سالالىق بىرلەستىك، 1,5 مىڭعا جۋىق قاۋىمداستىرىلعان مۇشە جانە 100 مىڭنان استام قىزمەتكەرى بار 150 ءىرى جانە ورتا كاسىپورىن كىرەدى.
