بۇگىن، 21 تامىزدا پرەزيدەنت قاسىم-جومارت توقاەۆ Kaspi.kz كومپانياسىنىڭ نەگىزىن قالاۋشىلار ۆياچەسلاۆ كيم مەن ميحايل لومتادزەنى قابىلدادى. بۇل تۋرالى اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
پرەزيدەنتكە Kaspi.kz كومپانياسى قىزمەتىنىڭ ناتيجەلەرى مەن شاعىن جانە ورتا بيزنەستى دامىتۋعا ارنالعان جاڭا سەرۆيس قۇرۋ جوسپارى جونىندە مالىمەت بەرىلدى.
بۇگىندە 700 مىڭعا جۋىق وتاندىق كاسىپكەر ءوز بيزنەسىن Kaspi.kz تەحنولوگيالارىنىڭ كومەگىمەن دامىتىپ جاتىر. بيىلعى ءبىرىنشى جارتىجىلدىقتىڭ وزىندە تاۋارلار مەن قىزمەتتەر ءۇشىن 12 تريلليون تەڭگە كولەمىندە قولما-قول اقشاسىز تولەم جاسالىپ، 150 مىڭ جەكە كاسىپكەر تىركەلگەن.
مەملەكەتتىك ورگاندارمەن بىرلەسىپ ازىرلەنگەن ونلاين-سەرۆيستەردىڭ كومەگىمەن قازاقستاندىقتار سالىقتاردى مەرزىمىندە تولەۋ مۇمكىندىگىنە يە بولدى. 2024 جىلدىڭ 6 ايىندا اتالعان قىزمەتتەر ارقىلى بيۋدجەتكە 1,1 تريلليون تەڭگەدەن استام سالىقتار مەن باسقا دا تولەمدەر تۇسكەن.
قاسىم-جومارت توقاەۆ ەلىمىزدەگى شاعىن جانە ورتا كاسىپكەرلىكتى وركەندەتۋدىڭ ماڭىزدى ەكەنىن اتاپ ءوتىپ، Kaspi.kz اكتسيونەرلەرىنە قولداۋ ءبىلدىردى.
