Búgin, 21 tamyzda prezıdent Qasym-Jomart Toqaev Kaspi.kz kompanııasynyń negizin qalaýshylar Vıacheslav Kım men Mıhaıl Lomtadzeni qabyldady. Bul týraly Aqordanyń baspasóz qyzmeti jazdy, dep habarlaıdy «Adyrna» tilshisi.
Prezıdentke Kaspi.kz kompanııasy qyzmetiniń nátıjeleri men shaǵyn jáne orta bıznesti damytýǵa arnalǵan jańa servıs qurý jospary jóninde málimet berildi.
Búginde 700 myńǵa jýyq otandyq kásipker óz bıznesin Kaspi.kz tehnologııalarynyń kómegimen damytyp jatyr. Bıylǵy birinshi jartyjyldyqtyń ózinde taýarlar men qyzmetter úshin 12 trıllıon teńge kóleminde qolma-qol aqshasyz tólem jasalyp, 150 myń jeke kásipker tirkelgen.
Memlekettik organdarmen birlesip ázirlengen onlaın-servısterdiń kómegimen qazaqstandyqtar salyqtardy merziminde tóleý múmkindigine ıe boldy. 2024 jyldyń 6 aıynda atalǵan qyzmetter arqyly bıýdjetke 1,1 trıllıon teńgeden astam salyqtar men basqa da tólemder túsken.
Qasym-Jomart Toqaev elimizdegi shaǵyn jáne orta kásipkerlikti órkendetýdiń mańyzdy ekenin atap ótip, Kaspi.kz akıonerlerine qoldaý bildirdi.
