بۇگىن، 21 تامىزدا كوكشەتاۋ قالاسىنىڭ اكىمى باۋىرجان عايسا قىزمەتىنەن كەتتى، دەپ حابارلايدى «ادىرنا» ءتىلشىسى.
«مەن كوكشەتاۋ قالاسىنىڭ اكىمى قىزمەتىنەن كەتتىم. ءبىز قالالىق ينفراقۇرىلىمدى جاقسارتۋعا جانە ازاماتتارىمىزدىڭ ءومىر ءسۇرۋ ساپاسىن ارتتىرۋعا باعىتتالعان بىرقاتار باستامانىى ىسكە اسىرا الدىق دەپ ويلايمىن. 2021 جىلدان باستاپ قازىرگى ۋاقىتقا دەيىن 144 كتۇ تاپسىرىلدى، 170كم استام جول جوندەلدى، 39 بالالار مەن 47 سپورت الاڭدارى سالىندى. بيىل حالىق قاتىساتىن بيۋدجەت جوباسىن ىسكە اسىرۋ اياسىندا 19 الاڭنىڭ قۇرىلىسى جۇرگىزىلۋدە. وسى قيىن، بىراق قىزىقتى جولدا مەنىمەن بىرگە بولعانداردىڭ بارلىعىنا العىس ايتقىم كەلەدى»،- دەدى ول الەۋمەتتىك جەلىدەگى پاراقشاسىندا.
ايتا كەتەيىك، باۋىرجان عايسا بۇل قىزمەتكە 2021 جىلى كەلگەن بولاتىن.
