مەملەكەت باسشىسى قاسىم-جومارت توقاەۆ ماجارستان پرەزيدەنتى تاماش شۋيوككە قۇتتىقتاۋ جەدەلحاتىن جولدادى، دەپ حابارلايدى "ادىرنا" ۇلتتىق پورتالى.
بۇگىن ماجارستاندا اۋليە يشتۆان كۇنى تويلانىپ جاتىر. مەرەكەگە وراي پرەزيدەنت مەملەكەتتى قۇتتىقتادى.
قازاقستان پرەزيدەنتى ەكى ەل اراسىنداعى ىنتىماقتاستىقتىڭ دەڭگەيىن جوعارى باعالاپ، ستراتەگيالىق سەرىكتەستىك بارلىق سالا بويىنشا جۇيەلى ءارى ناتيجەلى تۇردە ودان ءارى دامي بەرەتىنىنە سەنىم ءبىلدىردى.
پرەزيدەنت قاسىم-جومارت توقاەۆ تاماش شۋيوكتىڭ بارلىق يگى باستاماسىنا تابىس، ال باۋىرلاس ماجار حالقىنا باق-بەرەكە تىلەدى.
