قازاقستاندا اكىمدەرگە جاڭا وكىلەتتىكتەر بەرىلەدى. بۇل تۋرالى بۇيرىق جوباسى "اشىق نقا" پورتالىندا جاريالاندى، دەپ حابارلايدى “ادىرنا” ۇلتتىق پورتالى.
جاڭا ەرەجە بويىنشا ۇكىمەت جانىنداعى كەڭەستەردىڭ بىرىنە استانا، الماتى، شىمكەنت قالالارىنىڭ جانە وبلىستاردىڭ اكىمدەرىن كىرگىزۋ جوسپارلانعان.
جاڭا باستامانى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ۇسىنعان، قۇجاتتا اكىمدەردى ۇكىمەتتىڭ تەحنولوگيالىق ساياسات جونىندەگى كەڭەسىنىڭ قۇرامىنا ەنگىزۋ ۇسىنىلدى. اتالمىش كەڭەستىڭ قۇرامىنا پرەزيدەنتتىڭ عىلىم جانە يننوۆاتسيالار جونىندەگى كەڭەسشىسى دە كىرەدى.
ازىرگە بۇل كەڭەستىڭ قۇرامىنا پرەمەر-مينيستر، بارلىق مينيسترلەر، سونداي-اق اگەنتتىكتەر مەن ۇلتتىق كومپانيالاردىڭ باسشىلارى كىرەدى.
زاڭ جوباسىن ازىرلەۋشىلەردىڭ ايتۋىنشا، بۇل اتقارۋشى بيلىك پەن يننوۆاتسيالىق سالا وكىلدەرىنىڭ، سونداي-اق كاسىپكەرلىك سۋبەكتىلەرى اراسىنداعى جۇمىستى ۇيلەستىرۋگە مۇمكىندىك بەرەدى.
ايتا كەتەيىك، ۇكىمەت جانىنداعى "تەحنولوگيالىق ساياسات جونىندەگى كەڭەس" 2022 جىلى قۇرىلعان. كەڭەس كونسۋلتاتيۆتىك-كەڭەسشى ورگان قىزمەتىن اتقارادى جانە "مەملەكەتتىك تەحنولوگيالىق ساياساتتى قالىپتاستىرۋ جانە ىسكە اسىرۋ ماقساتىندا" قۇرىلعان.
زاڭ جوباسى 3 قىركۇيەككە دەيىن قوعامدىق تالقىلاۋدا بولادى.
