جەتىسۋ وبلىسىندا AMANAT پارتياسىنىڭ ەكس-دەپۋتاتى 7 جاسار بالانى زورلادى دەگەن كۇدىككە ءىلىندى. بۇل تۋرالى اقپارات الەۋمەتتىك جەلىدە تارادى، دەپ حابارلايدى “ادىرنا” ۇلتتىق پورتالى
Amanat پارتياسىنىڭ اقسۋ اۋداندىق فيليالىنىڭ باسشىسى دەلىنگەن جاقىپوۆ سەرىكقان 7 جاسار بالاعا جىنىستىق سيپاتتاعى زورلىق-زومبىلىق جاسادى دەگەن كۇدىككە ءىلىندى.
اقسۋ اۋداندىق پوليتسياسى كامەلەتكە تولماعان بالانى زورلاۋ فاكتىسى بويىنشا سوتقا دەيىنگى تەرگەۋ باستالعانىن راستادى.
“كۇدىكتى ۇستالىپ، قاماۋعا الىنعان. قاجەتتى سوت ساراپتامالارىن تاعايىنداۋمەن تەرگەۋ ءىس-شارالارى جۇرگىزىلەدى. تەرگەۋ شەڭبەرىندەگى وزگە دە دەرەكتەر قىجك-ءنىڭ 201-بابى تارتىبىندە تاراتىلۋعا جاتپايدى”، – دەپ حابارلايدى اقسۋ اۋداندىق پوليتسيا ءبولىمىنىڭ ءباسپاسوز قىزمەتى.
كۇدىكتى ۇستالىپ، ۋاقىتشا ۇستاۋ يزولياتورىنا قامالعان.
Amanat پارتياسىنىڭ حابارلاۋىنشا، كۇدىككە ىلىنگەن اقسۋ اۋداندىق فيليالىنىڭ باسشىسى 1 تامىزدا ءوز ەركىمەن جۇمىستان كەتكەن. جەلىدەگى اقپاراتقا قاتىستى پارتيانىڭ وبلىستىق فيليالى «وسى ايدا پارتيا مۇشەلەرىنە قاتىستى قىلمىستىق تەرگەۋ جۇرگىزىلمەدى» دەپ پىكىر ءبىلدىردى.
“بيىل تامىزدا جەتىسۋ وبلىسىنداعى «AMANAT» پارتياسى فيليالدارىنىڭ ەشبىر قىزمەتكەرى اكىمشىلىك جاۋاپكەرشىلىككە تارتىلعان جوق جانە قانداي دا ءبىر قىلمىستىق ءىس بويىنشا كۇدىكتى سانالمايدى. جەتىسۋ وبلىسىنداعى «AMANAT» پارتياسى اقسۋ اۋداندىق فيليالىنىڭ بۇرىنعى باسشىسى س. جاقىپوۆقا كەلەتىن بولساق، ول وسى جىلى 1 تامىزدا ءوتىنىش بەرىپ، ءوز ەركىمەن جۇمىستان بوسادى”، – دەپ حابارلايدى «AMANAT» پارتياسى جەتىسۋ وبلىستىق فيليالىنىڭ ءباسپاسوز قىزمەتى.
