جامبىل وبلىسىنداعى رەسپۋبليكالىق تاس جولداعى جول اپاتىنان قازا تاپقان التى ادامعا قاتىستى جاڭا مالىمەتتەر جاريالاندى، دەپ حابارلايدى “ادىرنا” ۇلتتىق پورتالى.
Kris_p_almaty ارناسى پاترۋلدىك كولىكتە وبلىسقا تانىمال پوليتسەي – 11 بالانىڭ اكەسى عالىم ارىستانباەۆ بولعانىن جازدى. بالالارىنىڭ سەگىزى اسىراپ الىنعانى بەلگىلى بولدى.
عالىم ارىستانباەۆتىڭ جۇبايى ءاليا كوبەگەنوۆانىڭ ماماندىعى مۇعالىم، قازىر ۇيدە بالا تاربيەلەپ وتىر. ازەربايجان، تاتار، قىتاي، وزبەك، ورىس، ۇيعىر ءوسىپ جاتقان كوپ ۇلتتى وتباسىندا ءبارى قازاق تىلىندە سويلەسەدى ەكەن. 5 ۇل، 6 قىز تاربيەلەپ وسىرگەن ارىستانباەۆتار وتباسى "مەرەيلى وتباسى" بايقاۋىنىڭ وبلىستىق كەزەڭىنىڭ جەڭىمپازى جانە رەسپۋبليكالىق كەزەڭنىڭ ءفيناليستى اتانعان ەكەن.
سونىمەن قاتار ارىستانباەۆ "قازاقستاننىڭ 100 جاڭا تۇلعاسى" جوباسىنىڭ قاتىسۋشىسى بولدى.
جول-كولىك وقيعاسى سالدارىنان Skoda Octavia پاترۋلدىك كولىگىندە بولعان ەكى پوليتسيا قىزمەتكەرى وقيعا ورنىندا قازا تاپتى.
ولار: جۇرگىزۋشى ابىشكەن ابىلايحان ساۋتۇلى، 05.08.1992 جىلى تۋعان، ال جولاۋشى ارىستانباەۆ عالىم قازبەكۇلى، 25.04.1978 جىلى ومىرگە كەلگەن. ⠀
ايتا كەتەيىك، Toyota Alphard اۆتوكولىگىندەگى 4 جولاۋشى وقيعا ورنىندا قازا تاپتى. تاعى 4 ادام مەركە اۋداندىق ورتالىق اۋداندىق اۋرۋحاناسىنا جاتقىزىلدى.⠀
- جولاۋشى يززاتۋللاەۆا گۇلچەحرا يكماتۋللاقىزى، 06.05.1993 ج.ت.، استانا قالاسىندا تۇراتىن. وقيعا ورنىندا قازا بولدى.
- جۇرگىزۋشى يسمايلوۆ ا.ش. "تىزە بۋىنىنىڭ اشىق سىنىعى" دياگنوزىمەن اۋداندىق ورتالىق اۋرۋحاناعا جاتقىزىلدى.
- جولاۋشى توجيباەۆا شاحيستا كاميلحانقىزى، 02.07.1993 ج.ت.، ءتىرى. ول "وڭ جاق يىق بۋىنىنىڭ جابىق سىنۋى" دياگنوزىمەن اۋداندىق ورتالىق اۋرۋحاناعا جاتقىزىلدى.
- جولاۋشى حاجيەۆ شاحيد مۋحيددينقىزى، 06.04.1996 ج.ت.، تۇرعىلىقتى جەرى: تۇركىستان ق.، اۋداندىق ورتالىق اۋرۋحانادا باقىلاۋدا تۇر.
- كامەلەتكە تولماعان جولاۋشى حاجيەۆا شاحريزودا، 13.02.2023 ج.ت.، تۇرعىلىقتى جەرى: تۇركىستان ق.، اۋداندىق ورتالىق اۋرۋحانادا باقىلاۋدا جاتىر.
باسقا زارداپ شەككەن 3 ادامنىڭ جەكە مالىمەتتەرى انىقتالعان جوق.
ەسكە سالايىق، بۇعان دەيىن مەركى-شۋ-بۋرىلبايتال تاس جولىندا بولعان جول اپاتىنان التى ادام قازا تاپتى، ونىڭ ىشىندە ەكى پاترۋل بولعانىن جازعان ەدىك. تويوتا الفارد جۇرگىزۋشىسى قارسى جولاققا شىعىپ كەتىپ، پوليتسيانىڭ "Skoda Octavia" پاترۋلدىك كولىگىمەن سوقتىعىسقان.
