جامبىل وبلىسىندا 2025 جىلدىڭ سوڭىنا دەيىن وبلىستاعى ەلدى-مەكەندەر 100 پايىز 4G ينتەرنەتپەن قامتىلاتىن بولادى. بۇل جۇمىستار قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مەن وبلىس اكىمدىگى اراسىندا 2023-2027 جىلدارعا ارنالىپ بەكىتىلىگەن جول كارتاسى اياسىندا جۇزەگە اسادى.
وبلىس اكىمى نۇرجان نۇرجىگىتوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا وسىعان ايرىقشا باسىمدىق بەردى.
- اتالعان جول كارتاسىنا سايكەس، 2027 جىلعا دەيىن 165 ەلدى مەكەندە ءموبيلدى ينتەرنەت جەلىسىنىڭ ساپاسىن 4G–گە ارتتىرۋ، 28 ەلدى مەكەندى ەلەكتر جەلىلەرى مەن انتەننا-دىڭگەك قۇرىلىسىمەن، 155 ەلدى مەكەندەگى مەملەكەتتىك مەكەمەلەر تالشىقتى-وپتيكالىق بايلانىس جەلىسىمەن، رەسپۋبليكالىق جانە وبلىستىق ماڭىزداعى جولداردى تسيفرلىق ينفراقۇرىلىممەن قامتاماسىز ەتۋ سياقتى مىندەتتەر تۇر،-دەدى ايماق باسشىسى.
سونداي-اق، مەملەكەت باسشىسىنىڭ «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس وڭىردە حالىقپەن كەرى بايلانىس جۇيەلى جولعا قويىلعاندىعى دا ايتىلدى.
وسى ورايدا وبلىس اكىمى، وبلىس اكىمىنىڭ ورىنباسارلارىنىڭ، وبلىس اكىمى اپپاراتىنىڭ جاۋاپتى قىزمەكتەرلەرىنىڭ اۋداندار مەن ەلدى مەكەندەرگە شىعۋ كەستەسى بەكىتىلىپ، ارنايى الگوريتمى ازىرلەنگەن.
- ازاماتتاردىڭ وتىنىشتەرىن ساپالى ءارى مەرزىمىندە قاراۋ ماقساتىندا وبلىس اكىمدىگىندە ارنايى توپ قۇردىق.
اۋىلدىق وكرۋگ اكىمدەرىنە ءار وتباسىنا كىرىپ، ولاردىڭ الەۋمەتتىك ماسەلەلەرىن قاراۋ، تۋىنداعان ماسەلەسىن جەرگىلىكتى جەردە شەشۋ جونىندەگى مىندەتتەر جۇكتەلگەن.
ايتالىق، جىل باسىنان بەرى ءتۇرلى دەڭگەيدەگى اكىمدەرمەن 610 كەزدەسۋ ءوتىپ، 1000-عا جۋىق ازامات قابىلداۋدا بولسا، وندا 314 ازاماتتىڭ ماسەلەسى وڭ شەشىمىن تاپتى. بۇدان بولەك، جەرگىلىكتى اتقارۋشى ورگاننىڭ باسشىلىق قۇرامىنا ءبىر ايدا ءبىر تۇرعىننىڭ ماسەلەسىن شەشۋ جونىندە مىندەت جۇكتەلىپ وتىر،-دەدى نۇرجان نۇرجىگىتوۆ.
