Jambyl oblysyndaǵy respýblıkalyq tas joldaǵy jol apatynan qaza tapqan alty adamǵa qatysty jańa málimetter jarııalandy, dep habarlaıdy “Adyrna” ulttyq portaly.
Kris_p_almaty arnasy patrýldik kólikte oblysqa tanymal polıeı – 11 balanyń ákesi Ǵalym Arystanbaev bolǵanyn jazdy. Balalarynyń segizi asyrap alynǵany belgili boldy.
Ǵalym Arystanbaevtyń jubaıy Álııa Kóbegenovanyń mamandyǵy muǵalim, qazir úıde bala tárbıelep otyr. Ázerbaıjan, tatar, qytaı, ózbek, orys, uıǵyr ósip jatqan kóp ultty otbasynda bári qazaq tilinde sóılesedi eken. 5 ul, 6 qyz tárbıelep ósirgen Arystanbaevtar otbasy "Mereıli otbasy" baıqaýynyń oblystyq kezeńiniń jeńimpazy jáne respýblıkalyq kezeńniń fınalısti atanǵan eken.
Sonymen qatar Arystanbaev "Qazaqstannyń 100 jańa tulǵasy" jobasynyń qatysýshysy boldy.
Jol-kólik oqıǵasy saldarynan Skoda Octavia patrýldik kóliginde bolǵan eki polıııa qyzmetkeri oqıǵa ornynda qaza tapty.
Olar: Júrgizýshi Ábishken Abylaıhan Saýtuly, 05.08.1992 jyly týǵan, al jolaýshy Arystanbaev Ǵalym Qazbekuly, 25.04.1978 jyly ómirge kelgen. ⠀
Aıta keteıik, Toyota Alphard avtokóligindegi 4 jolaýshy oqıǵa ornynda qaza tapty. Taǵy 4 adam Merke aýdandyq ortalyq aýdandyq aýrýhanasyna jatqyzyldy.⠀
- Jolaýshy Izzatýllaeva Gúlchehra Ikmatýllaqyzy, 06.05.1993 j.t., Astana qalasynda turatyn. Oqıǵa ornynda qaza boldy.
- Júrgizýshi Ismaılov A.Sh. "Tize býynynyń ashyq synyǵy" dıagnozymen aýdandyq ortalyq aýrýhanaǵa jatqyzyldy.
- Jolaýshy Tojıbaeva Shahısta Kamılhanqyzy, 02.07.1993 j.t., tiri. Ol "Oń jaq ıyq býynynyń jabyq synýy" dıagnozymen aýdandyq ortalyq aýrýhanaǵa jatqyzyldy.
- Jolaýshy Hajıev Shahıd Mýhıddınqyzy, 06.04.1996 j.t., turǵylyqty jeri: Túrkistan q., aýdandyq ortalyq aýrýhanada baqylaýda tur.
- Kámeletke tolmaǵan jolaýshy Hajıeva Shahrızoda, 13.02.2023 j.t., turǵylyqty jeri: Túrkistan q., aýdandyq ortalyq aýrýhanada baqylaýda jatyr.
Basqa zardap shekken 3 adamnyń jeke málimetteri anyqtalǵan joq.
Eske salaıyq, buǵan deıin Merki-Shý-Býrylbaıtal tas jolynda bolǵan jol apatynan alty adam qaza tapty, onyń ishinde eki patrýl bolǵanyn jazǵan edik. Toıota Alfard júrgizýshisi qarsy jolaqqa shyǵyp ketip, polıııanyń "Skoda Octavia" patrýldik kóligimen soqtyǵysqan.
