پاريج وليمپياداسىنا قاتىسپاي، تسينتسينناتيدەگى WTA-1000 تۋرنيرىنە دايىندالعان لەگيونەر تەننيسشى يۋليا پۋتينتسەۆا 17 تامىزدا وتكەن ءۇشىنشى راۋندتىق كەزدەسۋدە الەمنىڭ ەكىنشى راكەتكاسى يسپانيالىق پاۋلا بادوسادان جەڭىلىپ قالدى، دەپ حابارلايدى “ادىرنا” ۇلتتىق پورتالى.
1 ساعات 52 مينۋتقا سوزىلعان كەزدەسۋ 6:4, 6:3 ەسەبىمەن پاۋلا بادوسانىڭ پايداسىنا شەشىلدى.
وكىنىشكە قاراي، پۋتينتسەۆا ەكى ەيس جاساپ، ءبىر قوس قاتە جىبەردى جانە التى برەيك-پوينتتىڭ بىرەۋىن ءساتتى پايدالاندى.
تسينتسينناتيدەگى ءتۋرنيردىڭ جۇلدە قورىنا كەلسەك، بيىل ول 3 211 715 دوللار. جارىس جەڭىمپازى 523 485 دوللاردى الىپ، 1000 رەيتينگتىك ۇپايعا يە بولادى.
ەستەرىڭىزگە سالا كەتەيىك، لەگيونەر تەننيسشىلەر ەلەنا رىباكينا مەن يۋليا پۋتينتسەۆا پاريج وليمپياداسىنىڭ باستالۋىنا ءبىر كۇن قالعاندا جازعى ويىندارعا قاتىسپايتىنىن ايتقان ەدى.
