مينيستر سۋ تاسقىنى كەزىندە باسپاناسىز قالعان تۇرعىندار قىستا دالادا قالمايتىنىن ايتتى، دەپ حابارلايدى "ادىرنا" ۇلتتىق پورتالى.
ۇكىمەت وتىرىسىنان كەيىن بريفينگتە ونەركاسىپ جانە قۇرىلىس ءمينيسترى قانات شارلاپاەۆ باق وكىلدەرىنە سۇحبات بەردى.
«قازىرگى تاڭدا باتىس قازاقستان وبلىسىندا – 775, اقمولا وبلىسىندا – 331, اقتوبە وبلىسىندا – 504, اتىراۋ وبلىسىندا 100 ءۇي سالىپ جاتىرمىز. مەنىڭ ويىمشا، قىركۇيەككە دەيىن قۇرىلىس جۇمىستارىنىڭ 80 پايىزىن اياقتايمىز. بىرنەشە نىساننىڭ قۇرىلىسى 15-20 قىركۇيەككە دەيىن سوزىلۋى مۇمكىن. باستى ماقساتىمىز – قىركۇيەكتىڭ سوڭىنا دەيىن قۇرىلىستى تولىق اياقتاۋ»، - دەدى باق وكىلدەرىنىڭ ساۋالىنا جاۋاپ بەرگەن مينيستر.
مينيستر دەرەگىنشە، باتىس قازاقستان وبلىسىنىڭ ءبورلى اۋدانىندا 60 ءۇيدىڭ سىرىم اۋدانىندا 14 ءۇيدىڭ قۇرىلىسى تولىقتاي اياقتالعان.
«اقتوبە وبلىسىنداعى جاعداي جامان ەمەس. تەك ءبىر اۋىلدا قيىندىق بار. ول اۋدان ورتالىعىنان 90 شاقىرىم قاشىقتىقتا ورنالاسقان. جاڭا ورىندا نۇرا اۋىلىنىڭ ۇيلەرىن سالىپ جاتىرمىز. 15-20 قىركۇيەككە دەيىن قۇرىلىستى اياقتايمىز»، - دەدى قانات شارلاپاەۆ.
مينيستر سۋىقتا حالىقتىڭ باسپاناسىز قالمايتىنىن ايتتى.
