Ministr su tasqyny kezınde baspanasyz qalǧan tūrǧyndar qysta dalada qalmaitynyn aitty, dep habarlaidy "Adyrna" ūlttyq portaly.
Ükımet otyrysynan keiın brifingte Önerkäsıp jäne qūrylys ministrı Qanat Şarlapaev BAQ ökılderıne sūhbat berdı.
Ministr deregınşe, Batys Qazaqstan oblysynyŋ Börlı audanynda 60 üidıŋ Syrym audanynda 14 üidıŋ qūrylysy tolyqtai aiaqtalǧan.«Qazırgı taŋda Batys Qazaqstan oblysynda – 775, Aqmola oblysynda – 331, Aqtöbe oblysynda – 504, Atyrau oblysynda 100 üi salyp jatyrmyz. Menıŋ oiymşa, qyrküiekke deiın qūrylys jūmystarynyŋ 80 paiyzyn aiaqtaimyz. Bırneşe nysannyŋ qūrylysy 15-20 qyrküiekke deiın sozyluy mümkın. Basty maqsatymyz – qyrküiektıŋ soŋyna deiın qūrylysty tolyq aiaqtau», - dedı BAQ ökılderınıŋ saualyna jauap bergen ministr.
Ministr suyqta halyqtyŋ baspanasyz qalmaitynyn aitty.«Aqtöbe oblysyndaǧy jaǧdai jaman emes. Tek bır auylda qiyndyq bar. Ol audan ortalyǧynan 90 şaqyrym qaşyqtyqta ornalasqan. Jaŋa orynda Nūra auylynyŋ üilerın salyp jatyrmyz. 15-20 qyrküiekke deiın qūrylysty aiaqtaimyz», - dedı Qanat Şarlapaev.
