قاراعاندى وبلىسىندا جىل باسىنان بەرى مىڭنان استام مۇمكىندىگى شەكتەۋلى جان جۇمىسپەن قامتىلدى. ولاردىڭ قولداۋى ايماق باسشىسىنىڭ ۇنەمى نازارىندا. ەرماعانبەت بولەكپاەۆ كەزەكتى كەڭەستە اتقارىلعان جۇمىستار مەن الداعى جوسپارلار تۋرالى باياندادى.
وبلىستا 55 مىڭعا جۋىق مۇمكىندىگى شەكتەۋلى ادام تۇرادى، ولاردىڭ جارتىسىنا جۋىعى ەڭبەككە جارامدى. جۇمىس ىستەيتىندەر – 11 743.
وبلىس اكىمىنىڭ تاپسىرماسى بويىنشا مۇگەدەكتىگى بار قانشا ادامنىڭ جۇمىسقا مۇقتاج ەكەندىگىنە تالداۋ جۇرگىزىلدى. مىندەت-بارلىعىنا كومەكتەسۋ.
قالالار مەن اۋدانداردا مۇمكىندىگى شەكتەۋلى ادامدار جۇمىسقا ورنالاسا الاتىن كاسىپورىندار سانى قايتا قارالدى. ناتيجەسىندە وسى سانات ءۇشىن جۇمىس ورىندار كۆوتاسى ەكى ەسەگە – 113-تەن 219-عا دەيىن ۇلعايتىلدى.
– كۆوتاعا سايكەس ءبىرىنشى، ەكىنشى جانە ءۇشىنشى توپتاعى مۇگەدەكتىگى بار 134 ادام جۇمىسقا ورنالاستىرىلدى. جۇمىس بەرۋشىلەر مۇگەدەكتىكتىڭ ءۇشىنشى توبى ەستۋ قابىلەتى بۇزىلعان ادامدار ءۇشىن 11 ارنايى جۇمىس ورنىن قۇردى. قاراعاندىدا ەكى جۇمىس ورنىنا تاعى ءبىر ءوتىنىم بار، – دەدى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى اسەم جۇنىسپەكوۆا. – بۇگىنگى تاڭدا مۇمكىندىگى شەكتەۋلى 1039 ادامدى جۇمىسپەن قامتۋعا جاردەمدەسۋدەمىز. بوس ورىندار جارمەڭكەلەرى ۇنەمى وتكىزىلىپ تۇراتىنى اتاپ ءوتىلدى. سونداي-اق، "كۇمىس جاس", " العاشقى جۇمىس ورنى" جوبالارى جانە قوعامدىق جۇمىستار، جاستار پراكتيكاسى سياقتى شارالار كومەكتەسەدى.
اسەم جۇنىسپەكوۆا مۇگەدەكتىگى بار ادامداردى قانداي لاۋازىمدارعا قابىلدايتىنىن ناقتىلادى. سپەكترى ءار ءتۇرلى: تازالاۋشىلاردان، كۇزەتشىلەردەن، قۇرعاق تازالاۋ جانە اياق كيىم جوندەۋ شەبەرلەرىنەن باستاپ بۋحگالتەرلەرگە، اكىمشىلەرگە دەيىن.
وبلىستا تۇرعىنداردى جۇمىسقا ورنالاستىرۋعا كومەكتەسۋ ءۇشىن Jumys Tap الەۋمەتتىك جوباسى ىسكە قوسىلدى. بارلىق نيەت بىلدىرۋشىلەر جاڭا ماماندىقتى تەگىن وقي الادى. قىسقا مەرزىمدى كۋرستارعا قابىلدانعانداردىڭ اراسىندا مۇمكىندىگى شەكتەۋلى ادامدار دا بار. ولار شاشتاراز، مانيكيۋر شەبەرى، اسپاز، بۋحگالتەر-كاسسير، باعدارلاماشى، تىگىنشى سياقتى ماماندىقتاردى تاڭدادى.
سونىمەن قاتار ولارعا كۇتىم جاسايتىن ادامدار دا تسيفرلىق ماماندىقتار بويىنشا ءبىلىم الا الادى. "تەرريكون القابى" بازاسىندا ارنايى كۋرستار اشىلدى. قازىر ولاردا 50 ادام وقيدى.
سونىمەن قاتار، "باستاۋ بيزنەس" جوباسى بويىنشا كاسىپكەرلىك نەگىزدەرىن ۇيرەنۋگە مۇمكىندىك بار. سودان كەيىن ءوز جوباڭىزدى قورعاپ جانە ءىستى باستاۋ ءۇشىن گرانت الا الاسىز.
كەزدەسۋدە قوسىمشا شارالار تۋرالى دا ايتىلدى. وبلىس اكىمىنىڭ مۇگەدەكتىگى بار ادامدار ماسەلەلەرى جونىندەگى كەڭەسشىسى نياز سۋنديتاليەۆ، Ten Qogam ورتالىعىنىڭ باسشىسى كاسىپورىنداردا تاعىلىمدامادان ءوتۋ باعدارلاماسىن ازىرلەۋ قاجەت دەپ سانايدى. ەرماعانبەت بولەكپاەۆ بۇل ۇسىنىستى قولدادى.
كەزدەسۋدى ۇيىمداستىرۋ جوسپارلانۋدا، وندا جوو باعدارلامالارى تۋرالى ايتىلادى.
– جۇمىس جۇرگىزىلۋدە، بىراق بارلىق مۇمكىندىكتەر مەن قولدا بار باعدارلامالاردى پايدالانا وتىرىپ، ودان دا كوپ جۇمىس ىستەۋ كەرەك. ءبىز ءوزىمىز ءۇشىن مىندەتتەمە الدىق، ولاردى ورىنداۋ كەرەك، – دەپ اتاپ ءوتتى ەرماعانبەت بولەكپاەۆ.
