سىبايلاس جەمقورلىققا قارسى قىزمەت 2024 جىلدىڭ العاشقى جارتى جىلدىعىندا الاياقتىققا قاتىستى 159 قىلمىستىق ءىستى انىقتادى، دەپ حابارلايدى "ادىرنا" ۇلتتىق پورتالى.
الاياقتىق تۋرالى قىلمىستىق ىستەن سوڭ 46 ادام سوتتالدى. ولار ازاماتتاردى شەنەۋنىكتەرگە پارا بەرۋگە يتەرمەلەپ، سىياقى الۋ ءۇشىن ءتۇرلى قىزمەتتەر ۇسىنعان كورىنەدى.
"باتىس قازاقستان وبلىسىندا قازاقستاندىق ازامات كاسىپكەردەن مەملەكەتتىك ورگاندارمەن ماسەلەنى وڭاي شەشىپ بەرەتىنىن ايتىپ، اقشا بوپسالاعان. ول الاياقتىق جاساپ، وبلىستىق اكىمدىك قىزمەتكەرلەرىن پارا بەرۋگە يتەرمەلەدى دەگەن كۇدىككە ءىلىندى. ول 50 ميلليون تەڭگە تولەۋدى ۇسىنعان. وبلىستىڭ تاس جولدارىنا كۇردەلى جوندەۋ جۇمىستارىن جۇرگىزۋگە كەلىسىم-شارتتىڭ جالپى سوماسىنىڭ 30 پايىزىن الدىن الا تولەۋ بويىنشا سوت سانكتسياسىمەن كۇدىكتى قاماۋعا الىندى", – دەلىنگەن حابارلامادا.
قازىر قىلمىسكەرلەر سوتتىڭ سانكتسياسىمەن قاماۋعا الىندى. سوتقا دەيىنگى تەرگەۋ جالعاسىپ جاتىر.
