ءماجىلىس دەپۋتاتى ەدىل جاڭبىرشين Chocofamily Holding باسشىسى راميل مۋحورياپوۆتىڭ ۇستىنەن قىلمىستىق ءىس قوزعاۋدى تالاپ ەتتى. بۇل تۋرالى ول Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
"مۋحورياپوۆ دەگەن بىرەۋ مەملەكەتتىك تىلدە، ياعني قازاق تىلىندە جاۋاپ بەرۋدى مادەنيەتسىزدىككە جاتقىزىپتى. بۇل – قازاقستان رەسپۋبليكاسىنىڭ كونستيتۋتسياسىن مويىنداماۋ جانە قازاق حالقىنىڭ ار-نامىسىنا تيۋ! سوندىقتان ەل اراسىندا الاۋىزدىق تۋعىزىپ، قازاقتاردىڭ ار-نامىسىن تاپتاعانى ءۇشىن باس پروكۋراتۋرا ونىڭ ۇستىنەن قىلمىستىق ءىس قوزعاۋى كەرەك! ءماجىلىس دەپۋتاتى رەتىندە وسىنى تالاپ ەتەمىن. شىدامنىڭدا شەگى بار، ەندى تەك بۇلاردىڭ باسىمىزعا وتىرۋى قالدى!", - دەپ جازدى ول.
ەسكە سالايىق، الەۋمەتتىك جەلىدە Chocolife كومپانياسىنىڭ ديرەكتورى راميل مۋحورياپوۆتىڭ رەسەيلىكتەرمەن كەزدەسۋدە ايتقان ءسوزى قىزۋ تالقىعا ءتۇستى. كەزدەسۋ بارىسىندا كومپانيا باسشىسى شەتەلدىكتەرگە قازاق تىلىندە جاۋاپ بەرۋ “مادەنيەتتىڭ كورىنىسى ەمەس” ەكەنىن ايتقان بولاتىن. كەيىن باسى داۋعا قالعان كاسىپكەر قازاقستاندىقتاردان كەشىرىم سۇرادى.
