سەنات دەپۋتاتى گۇلميرا كارىموۆانىڭ ولىمىنە قاتىستى قىلمىستىق ءىس قوزعالدى. بۇل تۋرالى «پاتريوت» تەلەگرام ارناسى جاريالادى، دەپ حابارلايدى ”ادىرنا” ۇلتتىق پورتالى.
قىلمىستىق ءىستىڭ قوزعالعانى تۋرالى «پاتريوت» تەلەگرام ارناسىنا استانا پوليتسيا دەپارتامەنتى باستىعىنىڭ ورىنباسارى مۇراتجان شاكەروۆ مالىمدەدى.
«فاكت سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى. قىلمىستىق-پروتسەسسۋالدىق كودەكستىڭ 201 بابى 1-بولىگىنە سايكە سوتقا دەيىنگى تەرگەپ-تەكسەرۋدىڭ دەرەكتەرى جاريالاۋعا جاتپايدى»، – دەدى ول.
بۇعان دەيىن سوت-مەديتسينالىق ساراپتاماسىنىڭ الدىن الا قورىتىندىسىنا سايكەس، ناۋقاس ءولىمىنىڭ تىكەلەي سەبەبى – جۇرەك تالماسى (جەدەل ميوكارد ينفاركتىسى) بولىپ شىقتى. انافيلاكتيكالىق شوك دياگنوزى راستالعان جوق.
ەسكە سالايىق، 27 قاڭتار كۇنى سەناتور گۇلميرا كارىموۆانىڭ 45 جاسقا قاراعان شاعىندا كەنەتتەن قايتىس بولعانى تۋرالى اقپارات تاراعان ەدى.
13 قاڭتاردا گۇلميرا كارىموۆا سقو-دان سەنات دەپۋتاتى بولىپ سايلانعان. وعان 144 ادام داۋىس بەرگەن.
