بۇگىن اقىن، قوعام قايراتكەرى، جۋرناليست ەلەۋسىز ءبۇيريننىڭ تۋعانىنا — 150 جىل، دەپ حابارلايدى “ادىرنا” ۇلتتىق پورتالى.
ەلەۋسىز بۇيرين وسىدان ءدال 150 جىل بۇرىن، 1874 جىلى 10 تامىزدا باتىس قازاقستان وبلىسى، جاڭا قالا اۋدانىندا دۇنيەگە كەلدى.
ول قازان قالاسىنا وقۋعا بارىپ، سونداعى مۇعالىمدەر سەمينارياسىن بىتىرگەن. كەيىن استراحان قالاسىنداعى مەكتەپتە ورىس ءتىلى مەن ادەبيەتىنەن ساباق بەردى.
قالامگەر ش.بوكەەۆ، ع.قاراشەۆ، ب.قاراتاەۆ، م.شومبالوۆ، س.مەڭدەشوۆتەرمەن بىرىگىپ، 1911 ج. وردادا «قازاقستان» دەگەن گازەت شىعاردى. ول «قازاقستان» ءسوزىن تۇڭعىش رەت رەسمي تىلگە ەنگىزدى.
ەلەۋسىز ءبۇيريننىڭ ارتىندا قالعان ادەبي مۇراسى — ءوزى شىعارىپ تۇرعان «قازاقستان» گازەتىندەگى ماقالالارى مەن كوسەمسوزدەرى جانە «ىزىڭ» اتتى ولەڭدەر جيناعى. بۇيرين جيناققا «ءاۋ، قازاق!»، «ازاماتقا» دەگەن ەكى ولەڭى مەن اۋدارماسىنا قوسا، «قازاقستان» گازەتىندە جاريالانعان م.جۇماباەۆ، ا.مامەتوۆ، ع.مالدىباەۆ، ي.يسين، ت.ب. اقىندار ولەڭدەرىن توپتاستىرىپ بەرگەن.
جيناققا قويىلعان سيمۆوليكالىق «ىزىڭ» اتاۋىنان كورىنىپ تۇرعانداي، كىتاپتاعى ولەڭدەردىڭ نەگىزگى يدەياسى — ەلدى ەڭبەككە، ونەرگە ۇندەۋ، ەلدىككە، بىرلىككە شاقىرۋ، حالىق قامىن ويلاۋ، ۇيىمشىلدىقتى مۇرات ەتۋ بولدى.
