Búgin aqyn, qoǵam qaıratkeri, jýrnalıst Eleýsiz Buırınniń týǵanyna — 150 jyl, dep habarlaıdy “Adyrna” ulttyq portaly.
Eleýsiz Buırın osydan dál 150 jyl buryn, 1874 jyly 10 tamyzda Batys Qazaqstan oblysy, Jańa Qala aýdanynda dúnıege keldi.
Ol Qazan qalasyna oqýǵa baryp, sondaǵy muǵalimder semınarııasyn bitirgen. Keıin Astrahan qalasyndaǵy mektepte orys tili men ádebıetinen sabaq berdi.
Qalamger Sh.Bókeev, Ǵ.Qarashev, B.Qarataev, M.Shombalov, S.Meńdeshovtermen birigip, 1911 j. Ordada «Qazaqstan» degen gazet shyǵardy. Ol «Qazaqstan» sózin tuńǵysh ret resmı tilge engizdi.
Eleýsiz Buırınniń artynda qalǵan ádebı murasy — ózi shyǵaryp turǵan «Qazaqstan» gazetindegi maqalalary men kósemsózderi jáne «Yzyń» atty óleńder jınaǵy. Buırın jınaqqa «Áý, qazaq!», «Azamatqa» degen eki óleńi men aýdarmasyna qosa, «Qazaqstan» gazetinde jarııalanǵan M.Jumabaev, A.Mámetov, Ǵ.Maldybaev, I.Isın, t.b. aqyndar óleńderin toptastyryp bergen.
Jınaqqa qoıylǵan sımvolıkalyq «Yzyń» ataýynan kórinip turǵandaı, kitaptaǵy óleńderdiń negizgi ıdeıasy — eldi eńbekke, ónerge úndeý, eldikke, birlikke shaqyrý, halyq qamyn oılaý, uıymshyldyqty murat etý boldy.
