الماتىدا سالىق تولەۋدەن جالتارۋ جانە 400 ميلليون تەڭگەدەن استام قارجى جىمقىردى دەگەن كۇدىكتى ىزدەۋگە جاريالاندى، دەپ حابارلايدى "ادىرنا" ۇلتتىق پورتالى قارجى مونيتورينگى اگەنتتىگىنىڭ (قما) ءباسپاسوز قىزمەتىنە سىلتەپ.
«قما الماتى ق. بويىنشا دەپارتامەنتى قر ازاماتى بويكو ميحايل اداموۆيچتى (1963 جىلعى 25 ماۋسىم تۋعان) ىزدەستىرۋدە. ول قر قىلمىستىق كودەكسىنىڭ 245-بابى 3-بولىگى (سالىق تولەۋدەن جالتارۋ) جانە 218-بابى 3-بولىگى (قىلمىستىق جولمەن الىنعان اقشا مەن مۇلىكتى زاڭداستىرۋ) بويىنشا قىلمىس جاسادى دەپ كۇدىكتەلۋدە. بويكو م.ا. بالىق ونىمدەرىن ەكسپورتتايتىن كاسىپورىنداردان كورپوراتيۆتىك تابىس سالىعىن تولەمەي، مەملەكەتكە 400 ميلليوننان استام تەڭگە زالال كەلتىرگەن»، - دەلىنگەن جۇما كۇنى تاراتقان حابارلامادا.
قما ىزدەۋدە جۇرگەن ادامنىڭ تۇرعان جەرى تۋرالى قانداي دا ءبىر اقپاراتتى بىلگەندەر بولسا، الماتى قالاسى بويىنشا ەكونوميكالىق تەرگەۋ دەپارتامەنتىنە (ەتد) مىنا تەلەفون ارقىلى حابارلاسۋىڭىزدى سۇرايدى:
+7-701-218-05-23;
+7-701-121-47-65 – ىزدەۋشىلەر ءۇشىن;
+7-7272 - 79-29-56 – كەزەكشى ءبولىم.
«سىياقىعا جانە انونيمدىلىككە كەپىلدىك بەرىلەدى»، - دەپ قوستى قما.
