الماتىدا ەكى وقۋشى ءبىر اپتادان بەرى تابىلماي جاتىر

2390
Adyrna.kz Telegram
فوتو: tengrinews.kz
فوتو: tengrinews.kz

الماتىدا ەكى وقۋشى جوعالىپ كەتتى. ەرىكتىلەر مەن پوليتسيا ولاردى ىزدەۋدى جالعاستىرۋدا، دەپ حابارلايدى “ادىرنا” ءتىلشىسى tengrinews-كە سىلتەپ.

7 اقپاندا 14 جاستاعى ەكى بالا الماتىنىڭ بوستاندىق اۋدانىنداعى № 63 مەكتەپتەن ء(ابىش كەكىلبايبايۇلى كوشەسى، 88) شىعىپ، ۇيلەرىنە ورالماعان.

ەرىكتىلەر بۇعان دەيىن جاسوسپىرىمدەردىڭ ءبىرىنىڭ جوعالعانى تۋرالى حابارلاندىرۋ جاريالاعان بولاتىن. بالالار ءبىر اپتادان بەرى تابىلماي جاتىر.

«ىزدەۋ جالعاسۋدا. پوليتسيا ەشقانداي اقپارات بەرگەن جوق. بالالار اشىق جەرگە بارادى. 7 اقپاندا ولار مەكتەپتەن بىرگە شىعىپ، دوسىنىڭ تۋعان كۇنىنە بارعان. سول ۋاقىتتان باستاپ ولار ۇيگە ورالمادى. ەرىكتىلەر ىزدەۋگە كومەكتەسىپ جاتىر. ولاردى قالادا كورگەندەر كوپ ەكەنىن، اشىق جۇرگەندەرىن، نەگە ولاردى ءالى تابا الماي جاتقاندارىن تۇسىنبەيمىز»، – دەدى جاسوسپىرىمدەردىڭ ءبىرىنىڭ اناسى دينارا توبەەۆا.

الماتى پوليتسياسى بوستاندىق اۋدانىنىڭ پوليتسيا باسقارماسىمەن بىرگە ىزدەستىرۋ جۇمىستارى جۇرگىزىلىپ جاتقانىن حابارلادى.

«جاسوسپىرىمدەردى ىزدەۋگە قىلمىستىق جانە يۋۆەنالدى پوليتسيا بولىمدەرىنىڭ قىزمەتكەرلەرى جۇمىلدىرىلعان. قازىر بالالاردىڭ ورنالاسقان جەرىن انىقتاۋعا جانە ولاردى ۇيلەرىنە قايتارۋعا باعىتتالعان ىزدەستىرۋ ءىس-شارالارى جۇرگىزىلۋدە. جۇمىس نۇسقالارىنىڭ ءبىرى بويىنشا بالالاردا ءبارى جاقسى، ولار ءتىرى»، – دەدى الماتى پوليتسياسىنىڭ ءباسپاسوز قىزمەتى.

جاسوسپىرىمدەردىڭ ورنالاسقان جەرى تۋرالى بىلەتىندەردىڭ بارلىعى كورسەتىلگەن تەلەفونداردارعا قوڭىراۋ  شالىپ، پوليتسياعا جۇگىنە الادى.

پىكىرلەر