قاراعاندى وبلىسىندا «CVK» قارجى پيراميداسىنىڭ قۇرىلىمدىق بولىمشەسىن ۇيىمداستىرعان س.ش. قايىرباەۆقا قاتىستى سوت ۇكىمى شىقتى. سوت شەشىمىمەن ول ەكى جىلعا باس بوستاندىعىن شەكتەۋ جازاسىنا كەسىلىپ، مۇلكى تاركىلەندى. بۇل تۋرالى قارجى مونيتورينگ اگەنتتىگى جازدى، دەپ حابارلايدى "ادىرنا".
ءىس ماتەريالدارىنا سايكەس، جوباعا قاتىسۋشىلارعا ۆيرتۋالدى دۇكەندەردى ساتىپ الۋ ءۇشىن USDT كريپتوۆاليۋتاسىمەن اقشا سالۋ ۇسىنىلعان. مۇنداي دۇكەندەردىڭ قۇنى 120 اقش دوللارىنان 49 مىڭ اقش دوللارىنا دەيىن بولعان.
ۇيىمداستىرۋشىلار سالىمشىلارعا كۇن سايىن تابىس تۇسەتىنىن، سونداي-اق جوباعا جاڭا قاتىسۋشىلاردى تارتقانى ءۇشىن قوسىمشا بونۋستار بەرىلەتىنىن ۋادە ەتكەن.
الايدا تەرگەۋ بارىسىندا ۆيرتۋالدى دۇكەندەردە كورسەتىلگەن تاۋارلاردىڭ ءىس جۇزىندە بولماعانى انىقتالعان. جوبا بويىنشا تولەمدەر ناقتى تاۋارلار مەن قىزمەتتەردى ساتۋدان ەمەس، جاڭا قاتىسۋشىلاردى تارتۋ جانە ولاردىڭ قاراجاتىن سالۋ ەسەبىنەن قالىپتاسقان.
سالىمشىلاردىڭ قاراجاتى USDT كريپتوۆاليۋتاسى تۇرىندە OKX پلاتفورماسى ارقىلى ەلەكتروندى امياندارعا اۋدارىلىپ وتىرعان.
جەدەل-ىزدەستىرۋ ءىس-شارالارى بارىسىندا جالپى كولەمى 474 مىڭ USDT بولاتىن كريپتواكتيۆتەر بۇعاتتالدى. ونىڭ تەڭگەدەگى قۇنى شامامەن 212 ميلليون تەڭگەنى قۇرادى.
سوت ۇكىمىمەن بۇعاتتالعان تسيفرلىق اكتيۆتەر مەملەكەت كىرىسىنە تاركىلەندى.
سوت ۇكىمى زاڭدى كۇشىنە ەندى.
