بەلگىسىز ەر ادام ناۋرىزباي اۋدانىنداعى تۇرعىن ءۇي كەشەنىنە باسا-كوكتەپ كىرىپ، ەكى ادامعا وق اتقان، دەپ حابارلايدى "ادىرنا" ۇلتتىق پورتالى قازتاگ اگەنتتىگىنە سىلتەمە جاساپ.
«بۇل فاكتى بويىنشا ناۋرىزباي اۋدانىنىڭ پوليتسيا باسقارماسى قىلمىستىق ءىس قوزعادى»، — دەپ حابارلادى الماتى قالالىق پوليتسيا دەپارتامەنتىنىڭ ءباسپاسوز قىزمەتى.
الەۋمەتتىك جەلىلەردە وسى تۇرعىن ءۇي كەشەنىنىڭ اۋلاسىندا بىرنەشە جەدەل جاردەم جانە پوليتسيا كولىكتەرى پايدا بولعانى تۋرالى حابارلامالار تارادى. سيپاتتاماعا سايكەس، بەلگىسىز ادام تۇرعىن ءۇي كەشەنىنىڭ اۋماعىنا ەلەكتريك رەتىندە كىرگەن. سودان كەيىن ءبىرىنشى قاباتتاعى ەلەكتر جارىعىن ءوشىرىپ، پاتەرگە كىرىپ، ەكى تۇرعىنعا وق اتقان. ولار ءتىرى قالعانىمەن، بىرەۋى جانساقتاۋ بولىمىنە تۇسكەن. پوليتسيا قازا تاپقاندار تۋرالى مالىمەت بەرگەن جوق.
ەر ادام وقيعا ورنىنان قاشىپ كەتكەن. پوليتسيا ونى ىزدەستىرىپ جاتىر.
