Jelıde halyqqa bır rettık äleumettık tölem turaly jalǧan habarlama tarap kettı. Alaiaqtar elımızdıŋ ärbır azamatyna 150 myŋ teŋge berıletını turaly aqparatqa Prezident Qasym-Jomart Toqaevtyŋ suretın paidalanyp, jariialaǧan, dep habarlaidy "Adyrna" ūlttyq portaly.
Stopfake aqparatty tekserıp, "jalǧan" degen mälımdeme jasady.
Alaiaqtardyŋ atalmyş tölem turaly bırqatar ministrlıkterdıŋ habarlaǧanyn da qosa jazǧan. Odan bölek, jelıde jalǧan söilegender Qazaqstanda joq "QR qaiyrymdylyq qoryn" da körsetken.
Jelıdegı jarnamaǧa sensek, būl memlekettık baǧdarlama Halyk Bank arqyly jüzege asyryluda. Alaida bank saitynda derekter körsetılmegen.
“Qylmyskerler bergen sıltemede azamattar tölemnıŋ bar-joǧyn tekseru üşın JSN teruge tiıs. Būl aila. Kümändı saitta derekterdı qaldyra otyryp, sız özıŋız turaly maŋyzdy aqparatty belgısız adamdarǧa beresız. Olar ony öz maqsatynda paidalana alady. Barşaŋyzdy tek resmi habarlamalarǧa ǧana senuge şaqyramyz!”, – delıngen habarlamada.
Ūqsas jaŋalyqtar
