پاۆلوداردا بەلگىسىز بىرەۋلەر قالا مەكتەپتەرىندە قىلمىس جاساۋعا دايىندىق جاسالىپ جاتقانىن ايتىپ، قورقىنىشتى حابارلاما جولدادى، دەپ حابارلايدى "ادىرنا" ءتىلشىسى.
پاۆلودار وبلىسىنىڭ پوليتسيا دەپارتامەنتى الەۋمەتتىك جەلىلەردە تاراعان بۇل اقپاراتتىڭ تاراۋىنا بايلانىستى تەكسەرىس جۇرگىزۋدە.
"الەۋمەتتىك جەلىلەردە بەلگىسىز بىرەۋلەر پاۆلودار مەكتەپتەرىندە قىلمىس جاساۋعا دايىندالىپ جاتقانى تۋرالى اقپارات تارادى. اتالمىش فاكتى بويىنشا پوليتسيا دەپارتامەنتى تەكسەرىس جۇرگىزىپ جاتىر. قۇزىرلى ورگاندارمەن بىرلەسە وتىرىپ، ول اقپاراتتى تاراتقان ادامداردى انىقتاۋ بويىنشا جەدەل ءىس-شارالار باستالدى", - دەلىنگەن ۆەدومستۆو حابارلاماسىندا.
ەسكە سالا كەتەيىك، اتا-انالاردىڭ ۇرەيىن ۇشىرعان مۇنداي حابارلامالار بىرنەشە اقتوبە جانە اتىراۋ مەكتەپتەرىندە دە وسىنداي شابۋىل جاسالاتانى تۋرالى دەرەك تاراپ ەدى. قۇزىرلى ورگان جالعان اقپاراتتارعا سەنبەۋگە شاقىردى.
"ازاماتتاردان ارانداتۋشىلىققا بوي الدىرماي، تەك رەسمي اقپاراتقا سەنۋىن سۇرايمىز", - دەپ ۆەدومستۆو وبلىس تۇرعىندارىنا ۇندەۋ جولدادى.
