الماتى وبلىسىندا 77 جاستاعى زەينەتكەر ايەلگە كۇش قولدانعان ۋچاسكەلىك پوليتسەي قىزمەتىنەن بوساتىلدى، دەپ حابارلايدى "ادىرنا" ۇلتتىق پورتالى وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەپ.
بۇعان دەيىن الەۋمەتتىك جەلىدە پوليتسەيدىڭ قارت ايەلدى پاتەردەن كۇشتەپ شىعارىپ جاتقان ءساتى بەينەلەنگەن ۆيدەو تاراعان بولاتىن. كادرلاردا ەر ادامنىڭ ايەلدى يتەرىپ جىبەرىپ، ونىڭ باسپالداق تۇتقاسىنا سوعىلعانى بايقالادى. سالدارىنان كەيۋانانىڭ بىرنەشە قابىرعاسى سىنعان.
پوليتسيا دەپارتامەنتىنىڭ مالىمەتىنشە، بۇل دەرەك بويىنشا قىزمەتتىك تەكسەرىس جۇرگىزىلىپ جاتىر. تەكسەرۋ ناتيجەسىندە ءتارتىپ بۇزعان ينسپەكتور ىشكى ىستەر ورگاندارىنان شىعارىلعان.
"مۇنداي ارەكەتتەرگە جول بەرىلمەيدى. ازاماتتاردىڭ سەنىمىن جوعالتىپ، پوليتسيا بەدەلىن تۇسىرەتىن قىزمەتكەرلەرگە ءىىو قاتارىندا ورىن جوق جانە بولمايدى", — دەلىنگەن ۆەدومستۆو حابارلاماسىندا.
سونىمەن قاتار، وقيعا كەزىندە سول جەردە بولعان تاعى ەكى پوليتسيا قىزمەتكەرى مەن ولاردىڭ باسشىلىعىنا قاتىستى شەشىم تەكسەرۋ اياقتالعان سوڭ قابىلدانادى.
ايتا كەتەيىك، بۇعان دەيىن اباي وبلىسىندا ءوز قىزمەتكەرلەرىن روگاتكامەن اتقان پوليتسيا باستىعى دا جۇمىستان قۋىلعان بولاتىن.
