پاۆلودار وبلىسىندا قاراقۇرتتاردىڭ تابىلۋىنا بايلانىستى توتەنشە جاعداي جاريالانۋى مۇمكىن، - دەپ حابارلايدى "ادىرنا" ۇلتتىق پورتالى وبلىستىق تجد-عا سىلتەمە جاساپ.
تجد قىزمەتكەرلەرى 2024 جىلعى 5 تامىزدا باياناۋىل ۇلتتىق تابيعي پاركىندە قاراقۇرتتاردىڭ پايدا بولۋى تۋرالى اقپاراتتى جاريالاعان. باياناۋىل اۋدانىنىڭ اكىمى پاۆلودار وبلىسىنىڭ تابيعي پاركى جانە توتەنشە جاعدايلار دەپارتامەنتىنىڭ قىزمەتكەرلەرىمەن بىرلەسىپ، قاراقۇرتتاردىڭ مەكەندەيتىن جەرلەرىن زەرتتەۋ ءۇشىن تورايعىر اۋىلىنا بارۋدى جۇزەگە اسىردى.
وبلىستىق تجد-نىڭ رەسمي حابارلاماسىندا:
"زەرتتەۋ بارىسىندا، تورايعىر كولىنىڭ بويىنداعى شوپتەر مەن وسىمدىكتەردىڭ اراسىنان قاراقۇرت ورمەكشىلەرى، جۇمىرتقالارى، قابىقتارى تابىلدى. پاۆلودار وبلىسىنىڭ توتەنشە جاعدايلار دەپارتامەنتى توتەنشە جاعدايلاردىڭ الدىن الۋ جانە جويۋ جونىندەگى كوميسسيانىڭ كەزەكتەن تىس وتىرىسىن وتكىزۋگە باستاماشىلىق جاسايدى", - دەلىنگەن.
