ايەلىن ءولتىردى دەگەن ايىپپەن 24 جىلعا باس بوستاندىعىنان ايىرىلعان ەكس-مينيستر قۋاندىق بيشىمباەۆ وزىنە شىققان ۇكىممەن ءالى كۇنگە دەيىن كەلىسپەيتىنىن ايتتى، دەپ حابارلايدى “ادىرنا” ۇلتتىق پورتالى.
تەمىر توردىڭ ار جاعىنا جونەلتىلگەن بۇرىنعى شەنەۋنىك جازاسىن جەڭىلدەتۋدى سۇرايدى.
جوعارى سوت كەڭسەسىنە تۇسكەن اقپاراتقا سايكەس، قۋاندىق بيشىمباەۆ پەن باقىتجان بايجانوۆتىڭ ءىسى جوعارعى سوتقا جىبەرىلگەن. ال 5 تامىزدا ءىس سۋدياعا بەرىلگەن.
وسىعان دەيىن، 13 مامىردا استانادا سالتانات نۇكەنوۆانىڭ ولىمىنە قاتىستى سوت پروتسەسى اياقتالىپ، سوت قۋاندىق بيشىمباەۆتى ايەلىن ازاپتاپ، ولتىرگەنى ءۇشىن كىنالى دەپ تاپتى. ول 24 جىلعا باس بوستاندىعىنان ايىرىلعان. ال ونىڭ تۋىسى بايجانوۆ 4 جىلعا سوتتالىپ ەدى.
