بۇگىنگى وتكەن سوت وتىرىسىندا شەرزات پولاتتىڭ قازا تابۋىنا بايلانىستى تىڭ مالىمەتتەر جاريالاندى، دەپ حابارلايدى “ادىرنا” ۇلتتىق پورتالى.
پروكۋروردىڭ مالىمەتىنشە، وقيعا ورنىندا بولعان توبەلەس كەزىندە كۇدىكتىلەردىڭ ءبىرى دۇكەن ىشىنەن شىققان شەرزاتتىڭ اكەسى قارجاۋباي نۇرىموۆتى اينەك بوتەلكەمەن بەتتەن ۇرعان. ودان بولەك، ازامات توقتاۋباەۆ نۇرىموۆتىڭ جەلكە تۇسىنان بەلگىسىز تاسپەن سوققى جاساعانى ايتىلدى.
سوتتا ايتىلعان تاعى ءبىر جانتۇرشىگەرلىك جايت — شەرزاتتىڭ اجەسى “قاماجاي” دۇكەنىنە بارا جاتقاندا، الدىنان شىققان شىناسىل ەسىمدى ازامات ونى يتەرىپ جىبەرىپ، ارىققا قۇلاتقان. ال جولدا وتىرعان شەرزاتقا جەتپەك بولعان اناسىن ءىلياس پەن شىناسىل توقتاتىپ، ەكى بىلەگىنەن ۇستاپ، وتكىزبەي قويعان. اناسىنىڭ بىلەكتەرىندە كوگەرگەن ىزدەر قالعانى سوت-مەديتسينالىق ساراپتامامەن دالەلدەنگەن.
