ەكس-مينيستر بيشىمباەۆتىڭ بۇرىنعى جارى نازىم قاھارمان ومىرباياندىق كىتابىن جارىققا شىعارماق، دەپ حابارلايدى "ادىرنا" ۇلتتىق پورتالى.
ول بۇل ويى تۋرالى جەلىدە ايتتى.
نازىم قاھارماننىڭ سوزىنشە، قازىرگى تاڭدا كىتاپ باسپانىڭ قاراۋىندا جاتىر. اۆتور تۋىندىنىڭ تانىستىرىلىمىن بيىل كۇزدە وتكىزۋدى جوسپارلاپ وتىر.
ونىڭ ايتۋىنشا، كىتاپ اۆتوفيكشن جانرىندا جازىلعان. ياعني شىعارما ناقتى ومىردە بولعان وقيعالارعا نەگىزدەلگەنىمەن، كوركەم ادەبيەت ەلەمەنتتەرى دە قولدانىلعان.
قاھارمان ەڭبەگىندە بۇرىنعى جۇبايىنىڭ جەكە ومىرىنە قاتىستى كەيبىر جايتتاردى قوزعايتىنىن ايتتى. اتاپ ايتقاندا، كىتاپتا بيشىمباەۆتىڭ كوڭىل جاراستىرعان ايەلدەرى تۋرالى ءسوز بولادى. دەگەنمەن اۆتور ولاردىڭ تەك ەسىمدەرىن عانا كورسەتىپ، جەكە دەرەكتەرىن جاريالامايتىنىن اتاپ ءوتتى.
سونىمەن قاتار نازىم قاھارمان كىتاپتاعى مالىمەتتەرگە بايلانىستى قانداي دا ءبىر تالاپ-ارىز تۇسسە، ءوز ۇستانىمىن دالەلدەۋگە دايىن ەكەنىن جەتكىزدى. ونىڭ ايتۋىنشا، قولىندا بۇرىنعى كۇيەۋىنە قاتىستى حات-حابارلار مەن وزگە دە دالەلدەر ساقتالعان.
ايتا كەتەيىك، بۇعان دەيىن بۇرىنعى ۇلتتىق ەكونوميكا ءمينيسترى قۋاندىق بيشىمباەۆ ايەلى سالتانات نۇكەنوۆانى اياۋسىزدىقپەن ولتىرگەنى ءۇشىن 24 جىلعا باس بوستاندىعىنان ايىرىلعان ەدى.
