ءۇش كۇن بۇرىن ەكس-مينيستر قۋاندىق بيشىمباەۆتىڭ ايەلى سالتانات نۇكەنوۆا قايتىس بولدى. "ايەلىن ءولتىردى" دەگەن كۇدىككە ىلىنگەن قۋاندىق بيشىمباەۆ قازىر قاماۋدا، دەپ حابارلايدى "ادىرنا" ءتىلشىسى.
ەكس-مينيستر ەكى ايعا قاماۋعا الىندى. قۇزىرلى ورگاندار بۇل ىسكە قاتىستى ەشقانداي اقپارات تاراتقان جوق.
جۋرناليست ءارى قوعام بەلسەندىسى وڭعار قابدەن Facebook پاراقشاسىندا مارقۇمنىڭ اعاسىمەن تىلدەسىپ، وقيعانىڭ ءمان-جايىن سۇراعان.
قايتىس بولعان سالتانات نۇكەنوۆانىڭ اعاسى قايرات نۇكەنوۆپەن سويلەستىم. بيشىمباەۆتارعا ەشقانداي كەشىرىم بەرىلمەگەن! كەشىرمەيمىز دەدى. نە ءۇشىن قارا جامىلعان اۋلەتكە ەكسپەرتيزانىڭ قورىتىندىسىن بەرمەي وتىر؟ الدە، تۋىستارى ادىلدىككە جەتۋ ءۇشىن مارقۇمنىڭ ءمايىتىنىڭ فوتو-ۆيدەوسىن جاريالاسىن با؟ بيشىمباەۆ وقيعا كەزىندە جەڭىل عانا الكوگول (0,65) تۇتىنعان دەگەن نە ساندىراق؟ الەۋمەتتىك جەلىدە قۋاندىق بيشىمباەۆتى اقتاپ جاتقانداردى كورىپ جاعامدى ۇستادىم. ءبىز كىمدەردىڭ ورتاسىندا ءومىر ءسۇرىپ جاتىرمىز؟،-دەپ جازدى ول.
وڭعار قابدەننىڭ ايتۋىنشا، سالتانات نۇكەنوۆانى جەرلەۋ راسىمىنە قۋاندىق بيشىمباەۆتىڭ اتا-اناسى كەلگەن.
ەسكە سالا كەتەيىك، ەكس-ءمينيستردىڭ مارقۇم ايەلى استرولوگيانى مەڭگەرىپ، بلوگ جۇرگىزۋمەن اينالىسقان.
