قاسىم-جومارت توقاەۆتىڭ تاپسىرماسى بويىنشا كوپبالالى وتباسىدان جانە اتاۋلى الەۋمەتتىك كومەك كورسەتىلەتىن وتباسىدان شىققان بالالارعا قوسىمشا بەس مىڭ ءبىلىم گرانتى ءبولىندى، - دەپ حابارلايدى adyrna.kz ءتىلشىسى tengrinews.kz سايتىنا سىلتەمە جاساپ.
مينيسترلىكتىڭ مالىمەتىنشە، بۇل گرانتتاردى جەرگىلىكتى اتقارۋشى ورگاندار كونكۋرس نەگىزىندە بەرەدى. بۇل ءۇشىن وبلىس، رەسپۋبليكالىق ماڭىزى بار قالالار مەن استانا اكىمدەرىمەن كونكۋرستىق كوميسسيالار قۇرىلادى. "كورسەتىلگەن گرانتتارعا كوپبالالى وتباسىدان شىققان نەمەسە اتاۋلى الەۋمەتتىك كومەك كورسەتىلەتىن وتباسىدان شىققان بالالار ۇمىتكەر بولا الادى. كونكۋرسقا قاتىسۋ ءۇشىن 2019 جىلعى ماۋسىم ايىندا وتكىزىلگەن ۇبت-دان شەكتى بالل جيناۋ - كونكۋرستىڭ نەگىزگى شارتى. ۇلتتىق جوعارى وقۋ ورىندارىنا ءتۇسۋ ءۇشىن ۇلتتىق بىرىڭعاي تەستىلەۋ ناتيجەسى بويىنشا كەمىندە 65 بالل، باسقا جوعارى وقۋ ورىندارىنا كەمىندە 50 بالل، "پەداگوگيكالىق عىلىم" باعىتى بويىنشا كەمىندە 60 بالل جيناۋ كەرەك", - دەلىنگەن مينيسترلىكتىڭ حابارلاماسىندا. كونكۋرسقا قۇجاتتار 5 مەن 10 تامىز ارالىعىندا قابىلدانادى. ءبىلىم گرانتتارىن تاعايىنداۋ جانە جدوعارى وقۋ ورىندارىنا قابىلداۋ 25 تامىزعا دەيىن جۇرگىزىلەدى. كونكۋرسقا قاتىسۋ ءۇشىن قۇجاتتار ءتىزىمى: 1) بەلگىلەنگەن ۇلگىدەگى بلانكىدە ءوتىنىش; 2) ءبىلىمى تۋرالى قۇجات (قۇجاتتاردى قابىلداۋ كوميسسياسىنا تاپسىرعان كەزىندە تۇپنۇسقا); 3) ۇبت سەرتيفيكاتى; 4) 086-ۋ نىسانى بويىنشا مەديتسينالىق انىقتاما; 5) جەكە باسىن كۋالاندىراتىن قۇجاتتىڭ كوشىرمەسى. سونداي-اق، بالالاردىڭ كوپبالالى وتباسىنان شىققان نەمەسە اتاۋلى الەۋمەتتىك كومەك كورسەتىلەتىن وتباسى قاتارىنان ەكەندىگىن راستايتىن قۇجاتتار كورسەتىلۋى كەرەك. 2019 جىلعى ءبىلىم گرانتى يەگەرلەرىنىڭ ءتىزىمى شىقتى ايتا كەتەيىك، 2019-2020 وقۋ جىلىنا 53 785 گرانت بەرىلدى. مەملەكەتتىك تاپسىرىستىڭ 47 پايىزدان كوبى ينجەنەر، وڭدەۋ جانە قۇرىلىس سالالارى مەن IT-تەحنولوگياعا قاراستىرىلعان. 8276 گرانت - پەداگوگيكا عىلىمىنا، 4088 - گرانت جاراتىلىستانۋ عىلىمى ماتەماتيكا مەن ستاتيستيكاعا، 2200 گرانت - قىزمەت كورسەتۋ ماماندىقتارىنا، 1615 گرانت - ونەر مەن گۋمانيتارلىق عىلىمدارعا، 2435 گرانت - اۋىل شارۋاشىلىعى مەن ۆەتەرينارياعا، 2183 گرانت الەۋمەتتىك عىلىم، بيزنەس پەن ەكونوميكاعا بەرىلدى.
"ادىرنا" ۇلتتىق پورتالى
