Qasym-Jomart Toqaevtyń tapsyrmasy boıynsha kópbalaly otbasydan jáne ataýly áleýmettik kómek kórsetiletin otbasydan shyqqan balalarǵa qosymsha bes myń bilim granty bólindi, - dep habarlaıdy adyrna.kz tilshisi tengrinews.kz saıtyna silteme jasap.
Mınıstrliktiń málimetinshe, bul granttardy jergilikti atqarýshy organdar konkýrs negizinde beredi. Bul úshin oblys, respýblıkalyq mańyzy bar qalalar men astana ákimderimen konkýrstyq komıssııalar qurylady. "Kórsetilgen granttarǵa kópbalaly otbasydan shyqqan nemese ataýly áleýmettik kómek kórsetiletin otbasydan shyqqan balalar úmitker bola alady. Konkýrsqa qatysý úshin 2019 jylǵy maýsym aıynda ótkizilgen UBT-dan shekti ball jınaý - konkýrstyń negizgi sharty. Ulttyq joǵary oqý oryndaryna túsý úshin ulttyq biryńǵaı testileý nátıjesi boıynsha keminde 65 ball, basqa joǵary oqý oryndaryna keminde 50 ball, "pedagogıkalyq ǵylym" baǵyty boıynsha keminde 60 ball jınaý kerek", - delingen mınıstrliktiń habarlamasynda. Konkýrsqa qujattar 5 men 10 tamyz aralyǵynda qabyldanady. Bilim granttaryn taǵaıyndaý jáne jdoǵary oqý oryndaryna qabyldaý 25 tamyzǵa deıin júrgiziledi. Konkýrsqa qatysý úshin qujattar tizimi: 1) belgilengen úlgidegi blankide ótinish; 2) bilimi týraly qujat (qujattardy qabyldaý komıssııasyna tapsyrǵan kezinde túpnusqa); 3) UBT sertıfıkaty; 4) 086-Ý nysany boıynsha medıınalyq anyqtama; 5) jeke basyn kýálandyratyn qujattyń kóshirmesi. Sondaı-aq, balalardyń kópbalaly otbasynan shyqqan nemese ataýly áleýmettik kómek kórsetiletin otbasy qatarynan ekendigin rastaıtyn qujattar kórsetilýi kerek. 2019 jylǵy bilim granty ıegerleriniń tizimi shyqty Aıta keteıik, 2019-2020 oqý jylyna 53 785 grant berildi. Memlekettik tapsyrystyń 47 paıyzdan kóbi ınjener, óńdeý jáne qurylys salalary men IT-tehnologııaǵa qarastyrylǵan. 8276 grant - pedagogıka ǵylymyna, 4088 - grant jaratylystaný ǵylymy matematıka men statıstıkaǵa, 2200 grant - qyzmet kórsetý mamandyqtaryna, 1615 grant - óner men gýmanıtarlyq ǵylymdarǵa, 2435 grant - aýyl sharýashylyǵy men veterınarııaǵa, 2183 grant áleýmettik ǵylym, bıznes pen ekonomıkaǵa berildi.
"Adyrna" ulttyq portaly
