Eks-prezıdent Nursultan Nazarbaevtyń kúıeýbalasy Tımýr Qulybaevtyń Atyraý oblysyndaǵy «Kaspıı neft» kompanııasyna 13,6 mlrd teńge aıyppul salyndy. Bul týraly oblys prokýratýrasy málimdedi, dep habarlaıdy “Adyrna” ulttyq portaly.
«AQ-nyń 2021-2022 jyldary burǵylaý jáne ken ornyn paıdalaný qyzmetinde quralǵan 4500 tonnadan astam qaýipti qaldyqtarǵa jınaqtalý lımıtin almaǵany anyqtaldy. Prokýrordyń usynysyn qaraý nátıjesi boıynsha Atyraý oblystyq sotynyń sot alqasynyń 02.07.2024 jylǵy qaýlysymen «Kaspıı neft» AQ Ákimshilik quqyq buzýshylyq týraly kodekstiń 328-babymen ákimshilik jaýapkershilikke tartylyp, 13 684 868 730 teńge aıyppul salyndy», - delingen aqparatta.
Aıyppul bıýdjetke óndirilip, Ulttyq qor 13 684 868 730 teńgege tolyqty.
«Kaspıı munaı» AQ-nyń 100% akııasynyń ıesi – Tımýr Qulybaev. Kompanııa Atyraý oblysy Aırankól ken ornynda munaıdy barlaýmen, óndirýmen aınalysady.
