بۇگىن — بەلگىلى عالىم، تاريح عىلىمدارىنىڭ دوكتورى ءلايلا مۇحتارقىزى اۋەزوۆانىڭ تۋعان كۇنى، دەپ حابارلايدى «ادىرنا» ءتىلشىسى.
ول 1929 جىلدىڭ 30 شىلدەسىندە دۇنيەگە كەلگەن. ماسكەۋ مەملەكەتتىك ۋنيۆەرسيتەتىن بىتىرگەن ءلايلا اۋەزوۆا شوقان ءۋاليحانوۆتىڭ ەڭبەكتەرىن توپتاستىرىپ، جەتىسۋ دوڭعاندارى مەن ۇيعىرلارىنىڭ ەگىن شارۋاشىلىعىن زەرتتەدى. سونىمەن قاتار اكەسى مۇحتار اۋەزوۆتىڭ ەستەلىكتەرىن، شىعارمالارىن تولىق جيناقتاپ، مەموريالدى مۇراجايىن اشىپ، ونىڭ دامۋىنا كوپ ەڭبەك ءسىڭىردى.
عالىم 1963 جىلدان ءومىرىنىڭ سوڭىنا دەيىن مۇحتار اۋەزوۆتىڭ ادەبي-مەموريالدىق مۇراجايىنىڭ مەڭگەرۋشىسى بولدى. ونىڭ «XIX عاسىردىڭ II جارتىسىنداعى قازاقستاندا ەگىن شارۋاشىلىعىنىڭ دامۋى» جانە «م. و. اۋەزوۆتىڭ «اباي جولى» ەپوپەياسىنىڭ تاريحي نەگىزدەرى» سىندى كولەمدى مونوگرافيالىق زەرتتەۋلەرى كوپشىلىككە تانىمال.
