Búgin — belgili ǵalym, tarıh ǵylymdarynyń doktory Láıla Muhtarqyzy Áýezovanyń týǵan kúni, dep habarlaıdy «Adyrna» tilshisi.
Ol 1929 jyldyń 30 shildesinde dúnıege kelgen. Máskeý memlekettik ýnıversıtetin bitirgen Láıla Áýezova Shoqan Ýálıhanovtyń eńbekterin toptastyryp, Jetisý dońǵandary men uıǵyrlarynyń egin sharýashylyǵyn zerttedi. Sonymen qatar ákesi Muhtar Áýezovtyń estelikterin, shyǵarmalaryn tolyq jınaqtap, memorıaldy murajaıyn ashyp, onyń damýyna kóp eńbek sińirdi.
Ǵalym 1963 jyldan ómiriniń sońyna deıin Muhtar Áýezovtyń ádebı-memorıaldyq murajaıynyń meńgerýshisi boldy. Onyń «XIX ǵasyrdyń II jartysyndaǵy Qazaqstanda egin sharýashylyǵynyń damýy» jáne «M. O. Áýezovtiń «Abaı joly» epopeıasynyń tarıhı negizderi» syndy kólemdi monografııalyq zertteýleri kópshilikke tanymal.
