بۋرابايدا 4 جاسار بالا ەكىنشى قاباتتىڭ تەرەزەسىنەن قۇلاپ كەتتى، دەپ حابارلايدى «ادىرنا» ءتىلشىسى.
اقمولا وبلىسى پد مالىمەتىنشە، وقىس وقيعا 26 شىلدەدە بۋراباي كەنتىندەگى دەمالىس ايماقتارىنىڭ بىرىندە بولعان.
«4 جاسار بالانىڭ جالدامالى ءۇيدىڭ ەكىنشى قاباتىنداعى بولمەدە جالعىز بولعانى انىقتالدى. ەكىنشى قاباتتىڭ تەرەزەسىنەن قۇلاۋ ناتيجەسىندە ول جاراقات الدى. قازىرگى تاڭدا بالا اۋرۋحانادا جاتىر»،—دەدى پوليتسيا دەپارتامەنتىنىڭ ءباسپاسوز قىزمەتى.
بۇل وقيعاعا قاتىستى قىلمىستىق كودەكستىڭ 141-بابى 1-بولىگى (بالالاردى تاربيەلەۋ جونىندەگى مىندەتتەردى ورىنداماۋ) بويىنشا سوتقا دەيىنگى تەرگەپ-تەكسەرۋدى باستالىپ، ساراپتامالار تاعايىندالدى.
ەسكە سالايىق، 24 شىلدە كۇنى اقمولا وبلىسىنداعى ششۋچە قالاسىندا 1 جاستان اسقان بالا تەرەزەدەن قۇلاپ كەتكەن ەدى.
