تەننيسشى، قازاقستان ءۇشىن شىعىپ جۇرگەن رەسەيلىك لەگيونەر يۋليا پۋتينتسەۆا پاريج وليمپياداسىنا قاتىسپايدى. بۇل تۋرالى بۇگىن فەدەراتسيانىڭ ءباسپاسوز قىزمەتى مالىمدەدى، دەپ حابارلايدى «ادىرنا» ءتىلشىسى.
سپورتشى پاريجگە ۇشىپ بارىپ، بەلسەندى تۇردە جاتتىعا باستاعان بولاتىن. الايدا ۋكراينالىق مارتا كوستيۋكپەن بولاتىن ماتچ الدىنداعى دايىندىقتى وتانداسىمىز تىزەسىن اۋىرتىپ الدى. مەديتسينالىق تەكسەرۋدەن وتكەن سوڭ تۋرنيردەن باس تارتۋ تۋرالى شەشىم قابىلداندى.
ايتا كەتەلىك، بۇعان دەيىن دە يۋليا تىزەسىندەگى جاراقاتىن ايتىپ، شاعىمدانعان بولاتىن.
قازاقستان تەننيس فەدەراتسياسىنىڭ ۆيتسە-پرەزيدەنتى دياس دوسقاراەۆ اتالعان جاعدايعا قاتىستى پىكىر ءبىلدىردى.
«پاريج وليمپياداسى ءبىز ءۇشىن سىناقپەن باستالۋدا. الدىمەن ەلەنا رىباكينا سىرقاتىنا بايلانىستى باس تارتسا، بۇگىن يۋليا پۋتينتسەۆا جارقاتىنا بايلانىستى جارىستى توقتاتتى. ەكى سپورتشىعا دا ۇلكەن ءۇمىرت ارقان ەدىك، وكىنىشتى»، - دەدى ول.
ەسكە سالايىق، 25 شىلدەدە ەلەنا رىباكينانىڭ وليمپياداعا قاتىسپايتىنىن جازعان ەدىك.
